କଟକ: ନିଆଳି ଅଞ୍ଚଳରେ ଜାରି ରହିଛି ମେଣ୍ଢା ମୃତ୍ୟୁ। ଓଳାଶ ଗାଁରେ ଅଜଣା ଜନ୍ତୁ ଆକ୍ରମଣରେ ଗତରାତିରେ ପୁଣି ଦୁଇଟି ମେଣ୍ଢାର ମୃତ୍ୟୁ ହୋଇଛି। ତେବେ କେଉଁ ଜଙ୍ଗଲି ଜନ୍ତୁ ମେଣ୍ଢାକୁ ମାରିଛି ତାହା ସ୍ପଷ୍ଟ ହୋଇନଥିବା ବେଳେ ଶିମିଳିପାଳରୁ ଏକ ସ୍ୱତନ୍ତ୍ର ଟିମ୍ ନିଆଳିରେ ପହଞ୍ଚିଛି। ଏନେଇ ସୂଚନା ଦେଇଛନ୍ତି ଜଙ୍ଗଲ ଓ ପରିବେଶ ମନ୍ତ୍ରୀ ବିଜୟଶ୍ରୀ ରାଉତରାୟ।
ଅନ୍ୟପକ୍ଷରେ ମେଣ୍ଢା ମାରୁଥିବା ଜୀବକୁ ଧରିବାକୁ ଯାଇଥିବା ନନ୍ଦନକାନନର ଏକ ସ୍ୱତନ୍ତ୍ର ଟିମ୍ ନାକେଦମ ହୋଇଛି। ଖୁଲିସି ଗାଁରେ ଯନ୍ତା ବସାଯାଇଥିଲେ ମଧ୍ୟ ସେଥିରେ କୌଣସି ଜନ୍ତୁ ପଡିନାହାନ୍ତି। ମେଣ୍ଢା ମୃତ୍ୟୁ କ୍ଷତିପୂରଣ ଦେବାର ନିୟମ ନଥିବାବେଳେ, ଏନେଇ ମୁଖ୍ୟମନ୍ତ୍ରୀଙ୍କୁ ଜଣାଇଛୁ ବୋଲି ଜଂଗଲ ଓ ପରିବେଶ ମନ୍ତ୍ରୀ ବିଜୟଶ୍ରୀ ରାଉତରାୟ କହିଛନ୍ତି। ଅଜଣା ଜୀବକୁ ଦେଖିଲେ ବନ ବିଭାଗକୁ ଜଣାଇବା ଲାଗି ଏକ ଟୋଲ୍ ଫ୍ରି ନମ୍ବର ମଧ୍ୟ ଜାରି କରାଯାଇଛି।