ସୋସିଆଲ୍ ମିଡିଆରେ ଖୋଲିଲା ନବୀନଙ୍କ ଦରବାର

<p>ଭୁବନେଶ୍ୱର: ରାଜ୍ୟର ଅନେକ ଲୋକ ସେମାନଙ୍କ ଅସୁବିଧା ଓ ଅଭିଯୋଗ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ସୋସିଆଲ୍ ମିଡିଆ ମାଧ୍ୟମରେ ଜଣାଉଛନ୍ତି। ଏଥିପାଇଁ ସେମାନେ ମୁଖ୍ୟମନ୍ତ୍ରୀଙ୍କୁ ଟ୍ୱିଟ୍ କରୁଛନ୍ତି ଅବା ଫେସ୍&zwnj;ବୁକ୍ ମାଧ୍ୟମରେ ଜଣାଉଛନ୍ତି। ଲୋକଙ୍କ ସମସ୍ୟାର ଶୀଘ୍ର ସମାଧାନ କରିବା ଉଦ୍ଦେଶ୍ୟରେ ଆଜି ଲୋକାର୍ପିତ ହୋଇଛି &lsquo;ମୁଖ୍ୟମନ୍ତ୍ରୀଙ୍କ ସୋସିଆଲ୍ ମିଡିଆ ଗ୍ରୀଭାନ୍ସ ସେଲ୍&zwnj;&rsquo;। ନିଜେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଏହାକୁ ଲୋକାର୍ପିତ କରିଛନ୍ତି।</p> <p>ଏନେଇ ଆଇଟି ମନ୍ତ୍ରୀ ଚନ୍ଦ୍ର ସାରଥି ବେହେରା କହିଛନ୍ତି ଯେ ଉଭୟ ଟ୍ୱିଟର ଓ ଫେସ୍&zwnj;ବୁକ୍&zwnj;ରେ ମୁଖ୍ୟମନ୍ତ୍ରୀଙ୍କର ଆକାଉଣ୍ଟ ରହିଛି। ସେଥିରେ ଅନେକ ଲୋକ ସେମାନଙ୍କ ଅଭିଯୋଗ ମୁଖ୍ୟମନ୍ତ୍ରୀଙ୍କୁ ଜଣାଛନ୍ତି। ଉକ୍ତ ଅଭିଯୋଗଗୁଡ଼ିକୁ ଅନୁଧ୍ୟାନ କରିବା ପରେ ଓକାକ୍&zwnj; ଓ ରାଜ୍ୟ ଆଇଟି ବିଭାଗ ଏକ ପ୍ଲାଟ୍&zwnj;ଫର୍ମ ତିଆରି କରିଛି। ଏହି ଫ୍ଲାଟଫର୍ମ ଲୋକଙ୍କ ଅଭଯୋଗଗୁଡ଼ିକର ଶୀଘ୍ର ସମାଧାନ କ୍ଷେତ୍ରରେ ସହାୟକ ହେବ। ଏହି ବ୍ୟବସ୍ଥାରେ ମୁଖ୍ୟମନ୍ତ୍ରୀଙ୍କ ନିକଟକୁ ସୋସିଆଲ୍ ମିଡିଆରେ ଆସୁଥିବା ଅଭିଯୋଗଗୁଡ଼ିକର ବର୍ଗୀକରଣ କରାଯିବ, ଅର୍ଥାତ୍- ଅଭିଯୋଗଗୁଡ଼ିକ କେଉଁ ଜିଲ୍ଲାର, ନିର୍ଦ୍ଦିଷ୍ଟ ଭାବେ କେଉଁ ବିଭାଗର ତାହାକୁ ଦେଖାଯିବ। ତା&rsquo;ପରେ ସେଗୁଡ଼ିକୁ ସଂପୃକ୍ତ ଜିଲ୍ଲାର ଜିଲ୍ଲାପାଳ ଓ ବିଭାଗୀୟ ଅଧିକାରୀଙ୍କ ନିକଟକୁ ପଠାଯିବ। ନିର୍ଦ୍ଦିଷ୍ଟ ସମୟସୀମା ମଧ୍ୟରେ ସେଗୁଡ଼ିକର ସମାଧାନ କରିବାକୁ କୁହାଯିବ।</p> <p>ସେ ଆହୁରି କହିଛନ୍ତି, ଅଭିଯୋଗଗୁଡ଼ିକୁ ଜିଲ୍ଲାପାଳମାନେ ଦେଖୁଛନ୍ତି ନା ନାହିଁ ତାହା ମୁଖ୍ୟମନ୍ତ୍ରୀ ନିଜ ଡ୍ୟାସ୍&zwnj; ବୋର୍ଡ ମାଧ୍ୟମରେ ଜାଣିପାରିବେ। ସେହି ଅନୁସାରେ ସେମାନଙ୍କୁ ନିର୍ଦ୍ଦେଶ ଦିଆଯିବ। ବିଭିନ୍ନ ଅଭିଯୋଗର ସମାଧାନ କରିବା ପାଇଁ ଭିନ୍ନ ଭିନ୍ନ ସମୟ ସୀମା ରହିବ।</p>