ଭୁବନେଶ୍ୱର(ଓଡ଼ିଶା ରିପୋର୍ଟର): ସାରା ରାଜ୍ୟରେ ଶୀତ ଅନୁଭୂତ ହେବାରେ ଲାଗିଛି। ଆଜି ୯ଟି ସହରର ତାପମାତ୍ରା ୧୦ ଡିଗ୍ରୀ ତଳେ ରହିଛି। ସୋନପୁର ସବୁଠୁ ଥଣ୍ଡା ସହର ଭାବେ ପରିଣତ ହୋଇଛି। ସେଠାରେ ସର୍ବନିମ୍ନ ୪ ଡିଗ୍ରୀ ତାପମାତ୍ରା ରହିଛି।
ସେହିପରି କେନ୍ଦୁଝରରେ ୫.୬, ଝାରସୁଗୁଡ଼ାରେ ୫.୮, ଟିଟିଲାଗଡ଼ ଓ ଦାରିଙ୍ଗିବାଡ଼ିରେ ୭, ସମ୍ବଲପୁରରେ ୭.୪, ବାଲେଶ୍ୱର ୭.୬, କଟକ ୯.୬, ହୀରାକୁଦରେ ୯.୮ ଡିଗ୍ରୀ ଓ ରାଜଧାନୀ ଭୁବନେଶ୍ୱରରେ ତାପମାତ୍ରା ୧୨ ଡିଗ୍ରୀ ତାପମାତ୍ରା ରହିଛି।
ସୁନ୍ଦରଗଡ଼ ଜିଲ୍ଲାର ବଣାଇରେ ୨ ଦିନ ହେବ ହଠାତ୍ ଖସିଛି ପାରଦ । କୋଇଡା ଓ ଟେନସା ଅଞ୍ଚଳର କିଛି ସ୍ଥାନରେ ବରଫପାତ ହୋଇଥିବା ସୂଚନା ମିଳିଛି। ବାହାରେ ଥିବା ଗାଡ଼ିଗୁଡ଼ିକ ଉପରି ଭାଗରେ ଜମି ରହିଛି ବରଫ ଆସ୍ତରଣ।