ଟ୍ରକ୍‌କୁ ଧକ୍କା ଦେଇ ରାସ୍ତା ତଳକୁ ଖସି ଗଲା ବସ୍‌

୫ ଆହତ, ସେମାନଙ୍କ ମଧ୍ୟରୁ ଜଣଙ୍କ ଅବସ୍ଥା ଗୁରୁତର ରହିଛି

ଯାଜପୁର(ଓଡ଼ିଶା ରିପୋର୍ଟର): ଯାଜପୁର ଜିଲ୍ଲା କୋରେଇ ଛକ ନିକଟରେ ଏକ ସଡ଼କ ଦୁର୍ଘଟଣା ଘଟିଛି। ଏକ ଯାତ୍ରୀବାହୀ ଘରୋଇ ବସ୍ ଏକ ଟ୍ରକ୍‌କୁ ଧକ୍କା ଦେଇ ରାସ୍ତା ତଳକୁ ଖସି ଯାଇଛି। ଏଥିରେ ୫ ଜଣ ଆହତ ହୋଇଛନ୍ତି।

bus1ଆହତମାନଙ୍କୁ ବଡଚଣା ଡାକ୍ତରଖାନାରେ ଭର୍ତ୍ତି କରାଯାଇଛି। ଆହତଙ୍କ ମଧ୍ୟରୁ ଜଣେ ମହିଳାଙ୍କ ଅବସ୍ଥା ଗୁରୁତର ରହିଛି। ତାଙ୍କୁ କଟକ ସ୍ଥାନାନ୍ତର କରାଯାଇଛି।

truckଏହି ବସ୍‌ଟି ରାଞ୍ଚିରୁ କଟକ ଆସୁଥିଲା। କୋରେଇ ଛକ ନିକଟରେ ଏକ ଟମାଟୋ ବୋଝେଇ ଟ୍ରକ୍‌କୁ ଏହା ଧକ୍କା ଦେଇ ଥିଲା। ବସ୍‌ଟି ଟ୍ରକ୍‌କୁ ଏତେ ଜୋର୍‌ରେ ଧକ୍କା ଦେଇଥିଲା ଯେ ଟ୍ରକ୍‌ର ଡାଲାର ଗୋଟିଏ ପାର୍ଶ୍ୱ ପୂରା ଉଡ଼ି ଯାଇଥିଲା।

truck2ଟ୍ରକ୍‌ରେ ଥିବା ଟମାଟୋ ରାସ୍ତାରେ ବିଛେଇ ହୋଇ ପଡ଼ିଯାଇଥିଲା। ବସ୍‌ର ସମ୍ମୁଖ ଭାଗ ନଷ୍ଟ ହୋଇଯାଇଛି।