କାଳିଆର ରତ୍ନ ଭଣ୍ଡାର ଖୋଲିବା ଉଚିତ୍‌ କି ନୁହଁ? ଶୁଣନ୍ତୁ କ’ଣ କୁହନ୍ତି ବିଶେଷଜ୍ଞ

<p>ଭୁବନେଶ୍ୱର,(ଓଡ଼ିଶା ରିପୋର୍ଟର) : ପୁରୀ ଶ୍ରୀମନ୍ଦିରର ରତ୍ନ ଭଣ୍ଡାର ଖୋଲିବାକୁ ନେଇ ଜାରି ରହିଛି ସସ୍&zwnj;ପେନ୍ସ।&nbsp; ରତ୍ନଭଣ୍ଡାର&nbsp; କୋଠରୀ ମରାମତି ନେଇ ହାଇକୋର୍ଟ ଭଣ୍ଡାର ଘର ଯାଞ୍ଚ ପାଇଁ ଏଏସଆଇକୁ ନିର୍ଦ୍ଦେଶ ଦେବା ପରେ ଏହାକୁ ନେଇ ଆରମ୍ଭ ହୋଇଯାଇଛି ଚର୍ଚ୍ଚା। ରତ୍ନଭଣ୍ଡାର ଖୋଲିବା ନେଇ ରାଜ୍ୟ ସରକାର ପ୍ରସ୍ତୁତ ହେଉଥିବା ବେଳେ ଏହାକୁ କିଛି ସେବାୟତ ଓ ଜଗନ୍ନାଥ ସେନା ବିରୋଧ କରିଛନ୍ତି। ସେପଟେ ଏହାକୁ ନେଇ ଭକ୍ତମାନଙ୍କ ମଧ୍ୟରେ ଉତ୍କଣ୍ଡା ବଢିବାରେ ଲାଗିଛି। କିଏ କହୁଛନ୍ତି ରତ୍ନଭଣ୍ଡାର ସମ୍ପୂର୍ଣ୍ଣ ଅନ୍ଧକାରମୟ ତ&rsquo; ଆଉ କିଏ କହୁଛନ୍ତି ଏହା ଅତି ସଂକୀର୍ଣ୍ଣ ।</p><p>ଯଦି ଏହା ସତ, ତେବେ କେମିତି ଢଙ୍ଗରେ ମରାମତି କରାଯିବ ଏହି ରତ୍ନଭଣ୍ଡାରକୁ ? କେଉଁଠି ରଖାଯିବ ମହଣ ମହଣ ସୁନା, ରୂପା, ହୀରାର ଅଳଙ୍କାର। କିଭଳି ଭାବେ ଯୋଗାଇ ଦିଆଯିବ ଏହାକୁ ସୁରକ୍ଷା। ତାକୁ ନେଇ ଚାଲିଛି ତର୍ଜମା। ତେବେ ରତ୍ନ ଭଣ୍ଡାର ଖୋଲାଯିବା ଉଚିତ୍ କି ନୁହଁ ତାକୁ ନେଇ ଓଟିଭିରେ ହୋଇଥିବା ବିତର୍କରେ ବିଶେଷଜ୍ଞମାନେ ଭାଗ ନେଇ ନିଜର ମତ ରଖିଥିଲେ।&nbsp; ଏଥିରେ ଜଗନ୍ନାଥ ସେନା ଆବାହକ ପ୍ରିୟଦର୍ଶନ ପଟ୍ଟନାୟକ ରତ୍ନ ଭଣ୍ଡାର ଖୋଲିବାକୁ ବିରୋଧ କରିଛନ୍ତି। ସେ କହିଥିଲେ ଯେ, ଭଣ୍ଡାର ପୂର୍ବରୁ ଖୋଲା ସରିଛି। ଯେତିକି ଅଳଙ୍କାର ମହାପ୍ରଭୁଙ୍କର ଆବଶ୍ୟକ ତାକୁ ବାହାର କରାସରିଛି। ଏ ସମ୍ପର୍କିତ ସମସ୍ତ ତାଲିକା ଉଭୟ ଶ୍ରୀମନ୍ଦିର ପ୍ରଶାସନ ଓ ସରକାରଙ୍କ ପାଖରେ ରହିଛି। ତେଣୁ ଏବେ କାହିଁକି ଖୋଲାଯିବ, ଯଦି ଖୋଲାଯିବା ତା&rsquo;ର ସୁରକ୍ଷା ନେଇ କିଏ ଗ୍ୟାରେଣ୍ଟି ଦେବ ବୋଲି ସେ ପ୍ରଶ୍ନ କରିଛନ୍ତି। ଅନ୍ୟ ଏକ &nbsp;ପ୍ରଶ୍ନରେ ସେ ଉତ୍ତର ଦେଇ କହିଛନ୍ତି ଯେ, ଆପଣଙ୍କ ଘରେ ଥିବା ଗୁପ୍ତ ଧନ ସମ୍ପର୍କରେ କାହାକୁ କେବେ କିଛି କହିଛନ୍ତି କି ବୋଲି ପ୍ରଶ୍ନ କରିଥିଲେ।</p><p>ବରିଷ୍ଠ ଶ୍ରୀମନ୍ଦିର ସେବାୟତ ଦାମୋଦର ପ୍ରଧାନୀ ରତ୍ନଭଣ୍ଡାର ଖୋଲାଯାଇ ଏହାର ମରାମତି ସପକ୍ଷରେ ମତ ଦେଇଛନ୍ତି। ସେ କହିଛନ୍ତି ଯେ ରତ୍ନ ଭଣ୍ଡାର ସୁରକ୍ଷା ନେଇ ସମସ୍ତଙ୍କ ମନରେ ସନ୍ଦେହ ରହିବା &nbsp;ସ୍ୱାଭାବିକ୍। ତଥାପି ସେ ସବୁର ଆକଳନ ଆବଶ୍ୟକ ବୋଲି ସେ କହିଛନ୍ତି। ଅନ୍ୟପଟେ ରତ୍ନଭଣ୍ଡାର ଖୋଲିବା ବିପକ୍ଷରେ ମତ ଦେଇଛନ୍ତି ସଂସ୍କୃତି ଗବେଷକ ବିରେନ୍ଦ୍ର ତ୍ରିପାଠୀ। ସେ କହିଛନ୍ତି ଯେ, ଓଡ଼ିଶାର ଜନସାଧାରଣଙ୍କ ଭାବାବେଗ ସହ ଜଗନ୍ନାଥ ସଂସ୍କୃତି ଜଡ଼ିତ। ଜଗନ୍ନାଥଙ୍କର ଦୁଇଟା ଜିନିଶ ଗୋପନ ରହିବା ଜରୁରୀ। ଗୋଟିଏ ହେଲା ବ୍ରହ୍ମ ଏବଂ ଅନ୍ୟଟି ହେଲା ରତ୍ନ ଭଣ୍ଡାର।&nbsp; ଅର୍ଥାତ ରତ୍ନ ଭଣ୍ଡାରରେ କେତେ କୋଟି ଟଙ୍କାର ସମ୍ପତ୍ତି ଅଛି ଏହା ଗୋପନ ରହିବା ଉଚିତ୍। ତେବେ ଦେଖନ୍ତୁ ପୁରା ଭିଡିଓ।</p>

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।