ଆଜିଠୁ କାର୍ଯ୍ୟରେ ଯୋଗଦେବେ ବଲାଙ୍ଗିର ଓ ଲୋଇସିଂହା ଓକିଲ ସଂଘ

ବଲାଙ୍ଗିର(ମନୋରଞ୍ଜନ ଯୋଶୀ ):  ହାଇକୋର୍ଟର ସ୍ଥାୟୀ ବେଞ୍ଚ ପ୍ରତିଷ୍ଠା ଦାବିରେ ଦୀର୍ଘ ଦିନ ଧରି  ଆନ୍ଦୋଳନ ଚଳାଇଥିବା ବଲାଙ୍ଗିର ଓ ଲୋଇସିଂହା ଓକିଲ ସଂଘ ଆଜିଠୁ କାର୍ଯ୍ୟରେ ଯୋଗଦେବେ। ସେପଟେ ଓକିଲଙ୍କ ଆନ୍ଦୋଳନ ଯୋଗୁଁ ସାଧାରଣ ଲୋକେ ଯେପରି ହଇରାଣ ନ ହେବେ, ସେଥିଲାଗି ପଦକ୍ଷେପ ନେଇଛନ୍ତି ସରକାର। ସମ୍ବଲପୁର ନ୍ୟାୟିକ ଅଞ୍ଚଳରୁ ସମସ୍ତ ମାମଲାକୁ ଅନ୍ୟ ନ୍ୟାୟିକ ଅଞ୍ଚଳକୁ ସ୍ଥାନାନ୍ତର କରାଯାଇଛି। ଗତ ଡିସେମ୍ବର ୬ରେ ସୁପ୍ରିମକୋର୍ଟଙ୍କ ରାୟକୁ ଭିତ୍ତି କରି ରାଜ୍ୟ ସରକାରଙ୍କ ଆଇନ […]

bolangiri-1--1

bolangiri-1--1

Niharika Rout
  • Published: Saturday, 15 February 2020
  • Updated: 15 February 2020, 07:51 AM IST

Sports

Latest News

ବଲାଙ୍ଗିର(ମନୋରଞ୍ଜନ ଯୋଶୀ ):  ହାଇକୋର୍ଟର ସ୍ଥାୟୀ ବେଞ୍ଚ ପ୍ରତିଷ୍ଠା ଦାବିରେ ଦୀର୍ଘ ଦିନ ଧରି  ଆନ୍ଦୋଳନ ଚଳାଇଥିବା ବଲାଙ୍ଗିର ଓ ଲୋଇସିଂହା ଓକିଲ ସଂଘ ଆଜିଠୁ କାର୍ଯ୍ୟରେ ଯୋଗଦେବେ। ସେପଟେ ଓକିଲଙ୍କ ଆନ୍ଦୋଳନ ଯୋଗୁଁ ସାଧାରଣ ଲୋକେ ଯେପରି ହଇରାଣ ନ ହେବେ, ସେଥିଲାଗି ପଦକ୍ଷେପ ନେଇଛନ୍ତି ସରକାର।

ସମ୍ବଲପୁର ନ୍ୟାୟିକ ଅଞ୍ଚଳରୁ ସମସ୍ତ ମାମଲାକୁ ଅନ୍ୟ ନ୍ୟାୟିକ ଅଞ୍ଚଳକୁ ସ୍ଥାନାନ୍ତର କରାଯାଇଛି। ଗତ ଡିସେମ୍ବର ୬ରେ ସୁପ୍ରିମକୋର୍ଟଙ୍କ ରାୟକୁ ଭିତ୍ତି କରି ରାଜ୍ୟ ସରକାରଙ୍କ ଆଇନ ବିଭାଗ ପକ୍ଷରୁ ଏହି ନିଷ୍ପତ୍ତି ନିଆଯାଇଛି ।

ପଶ୍ଚିମ ଓଡ଼ିଶାରେ ହାଇକୋର୍ଟ ସ୍ଥାୟୀ ବେଞ୍ଚ ପ୍ରତିଷ୍ଠା ଦାବିରେ ଗତ ୫ ତାରିଖରୁ ଆନ୍ଦୋଳନରେ ବସିଥିଲେ ଆଇନଜୀବୀ । ହେଲେ ଓକିଲଙ୍କ ଆନ୍ଦୋଳନ ଯୋଗୁଁ ସାଧାରଣ ଲୋକେ ନ୍ୟାୟ ପାଇବାରୁ ବଞ୍ଚିତ ହେଉଥିଲେ । ଏହାକୁ ଦୃଷ୍ଟିରେ ରଖି ବଲାଙ୍ଗିର କୋର୍ଟର ମାମଲାଗୁଡ଼ିକୁ ଟିଟିଲାଗଡ଼ ଅତିରିକ୍ତ ଜିଲ୍ଲା ଓ ଦୌରା ଜଜ୍‌ଙ୍କ କୋର୍ଟକୁ ସ୍ଥାନାନ୍ତର କରାଯାଇଛି।

ବଲାଙ୍ଗିର ଓ ଲୋଇସିଂହା ଜେଏମଏଫ୍‌ସିର ମାମଲା ସଇଁତଳା ଜେଏମଏଫସିକୁ ସ୍ଥାନାନ୍ତର କରାଯାଇଛି । ସେହିପରି ଦେବଗଡ଼ର ମାମଲା କେନ୍ଦୁଝର କୋର୍ଟକୁ ଓ ଝାରସୁଗୁଡ଼ା କୋର୍ଟର ମାମଲା ସୁନ୍ଦରଗଡ଼ କୋର୍ଟକୁ ଯାଇଛି। ଏହାବ୍ୟତୀତ ସମ୍ବଲପୁରର ମାମଲା ବରଗଡ଼ କୋର୍ଟକୁ ସ୍ଥାନାନ୍ତର କରିଛନ୍ତି।

telegram ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।

Related Stories

Trending

Photos

Videos