ଫେକ୍ ପ୍ଲେସମେଣ୍ଟ ଓ ସିବିଏସ୍‌ଇ ରେଜଲ୍ଟ ବିଭ୍ରାଟ ପ୍ରତିବାଦରେ ଛାତ୍ର କଂଗ୍ରେସର ବାଇକ୍‌ ରାଲି

ଭୁବନେଶ୍ୱର: ଆଇଟିଇଆର ଫେକ୍ ପ୍ଲେସମେଣ୍ଟ ଓ ସିବିଏସ୍‌ଇ ଦ୍ୱାଦଶ ଶ୍ରେଣୀ ରେଜଲ୍ଟ୍ ବିଭ୍ରାଟ ଭଳି ପ୍ରସଙ୍ଗକୁ ନେଇ ରାସ୍ତାକୁ ଓହ୍ଲାଇଲା ଛାତ୍ର କଂଗ୍ରେସ। ଛାତ୍ର କଂଗ୍ରେସର କର୍ମୀମାନେ ରାଜଧାନୀରେ ବାଇକ୍ ରାଲି କରିଛନ୍ତି। ସେମାନେ ନବୀନ ନିବାସ ଘେରାଉ କରିବାକୁ ଗଲା ବେଳେ ପୋଲିସ ସେମାନଙ୍କୁ ଅଟକାଇଥିଲା।

ଆଇଟିଇଆର ପ୍ରସଙ୍ଗରେ ସରକାର କାହିଁକି କାର୍ଯ୍ୟାନୁଷ୍ଠାନ ନେଉନାହାନ୍ତି ବୋଲି ପ୍ରଶ୍ନ କରିଛି ଛାତ୍ର କଂଗ୍ରେସ। ସେହିପରି ରାଜ୍ୟରେ ଖାଲି ପଡିଥିବା ଶିକ୍ଷକ ପଦବୀ କାହିଁକି ପୂରଣ କରାଯାଉନାହିଁ ବୋଲି  ଛାତ୍ର କଂଗ୍ରେସ ପ୍ରଶ୍ନ ଉଠାଇଛି।