ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>ଭୁବନେଶ୍ୱର (ଓଡ଼ିଶା ରିପୋର୍ଟର): ପୁଣି ଚର୍ଚ୍ଚାରେ ଶୁଭଙ୍କର ନାୟକ। ଚିଟ୍‌ଫଣ୍ଡ କାରବାରରେ ବଡ଼ ବଡ଼ ଭାଇଙ୍କ ସହ ଲିଙ୍କରେ ରହି ଚର୍ଚ୍ଚାକୁ ଆସିଥିବା ତଥାକଥିତ ମିଡିଲିମ୍ୟାନ୍ ଶୁଭଙ୍କରଙ୍କୁ ଗତକାଲି ଦେଖିବାକୁ ମିଳିଥିଲା ବାରବାଟୀ ଷ୍ଟାଡିୟମ୍‌ରେ। ବିସିସିଆଇ ବକ୍ସରେ ଭିଭିଆଇପିଙ୍କ ପାଇଁ ଉଦ୍ଦିଷ୍ଟ ବକ୍ସରେ ବସି ମ୍ୟାଚ୍ ଦେଖିଥିଲେ ଶୁଭଙ୍କର। ଏହି ବକ୍ସରେ ମନ୍ତ୍ରୀ, ବିଧାୟକଙ୍କ ସହ ଅନେକ ବରିଷ୍ଠ ଆଇଏଏସ୍ ଓ ଆଇପିଏସ୍ ଅଧିକାରୀ ମଧ୍ୟ ଉପସ୍ଥିତ ଥିଲେ। ଭିଭିଆଇପି ବକ୍ସରେ ଶୁଭଙ୍କରଙ୍କ ଉପସ୍ଥିତି ନେଇ ପୁଣି ଚର୍ଚ୍ଚା ଜୋର୍ ଧରିଛି।</p> <p>ପ୍ରଶ୍ନ ଉଠୁଛି ଶୁଭଙ୍କରଙ୍କୁ କେଉଁ ଆଧାରରେ ବିସିସିଆଇ ବକ୍ସ ପାଇଁ ମିଳିଲା VVIP ପାସ୍? କାହା ମାର୍ଫତରେ ପାସ୍ ପାଇଥିଲେ ଶୁଭଙ୍କର? ଜେଲ୍‌ରୁ ବାହାରିବା ପରେ ପୁଣି ଥରେ ଶୁଭଙ୍କର ନିଜ କାୟା ମେଲାଉ ନାହାଁନ୍ତି ତ? ପୂର୍ବରୁ ବି ପାଓ୍ୱାର୍ କରିଡର୍ ସହ ଶୁଭଙ୍କରଙ୍କର ଲିଙ୍କ୍ ଥିବା ଚର୍ଚ୍ଚା ହୋଇଥିଲା।</p> <p>୨୦୧୪ ନଭେମ୍ବର ୧୮ ତାରିଖରେ ସି-ସୋର୍ ଚିଟ୍‌ଫଣ୍ଡ ଠକେଇ ମାମଲାରେ ସିବିଆଇ ଶୁଭଙ୍କରଙ୍କୁ ଗିରଫ କରିଥିଲା। ଶୁଭଙ୍କର ସିସୋର୍ ମାଲିକ ପ୍ରଶାନ୍ତ ଦାଶ ଏବଂ ତଥାକଥିତ ଟପ୍ ବ୍ୟୁରୋକ୍ରାଟ୍ ମଧ୍ୟରେ ମଧ୍ୟସ୍ଥି ସାଜିଥିବା ଚର୍ଚ୍ଚା ହୋଇଥିଲା। ଶୁଭଙ୍କରଙ୍କ ଡାଏରୀରେ କିଛି ଟପ୍ ବ୍ୟୁରୋକ୍ରାଟଙ୍କ ନାଁ ଥିବା ବି କୁହାଯାଉଥିଲା।</p> <p>ଗତ ଅଗଷ୍ଟ ୧ ତାରିଖରେ ହାଇକୋର୍ଟରୁ ସର୍ତ୍ତମୂଳକ ଜାମିନ ପାଇବା ପରେ ଜେଲ୍‌ରୁ ମୁକୁଳିଥିଲେ ଶୁଭଙ୍କର। ଆଉ ଗତକାଲି ବାରବାଟୀରେ ଭିଭିଆଇପିଙ୍କ ପାଇଁ ଉଦ୍ଦିଷ୍ଟ ଗ୍ୟାଲେରିରେ ତାଙ୍କ ଉପସ୍ଥିତିରୁ ସେ ପୁଣି ପାଓ୍ୱାର୍ କରିଡରର ନିକଟତର ହେଉଥିବା ଚର୍ଚ୍ଚା ହେଉଛି।</p> <p>ଅନ୍ୟପଟେ ଶୁଭଙ୍କରଙ୍କୁ ପାସ୍‌ ଦିଆଯାଇ ନଥିବା ସଫେଇ ଦେଇଛି ଓସିଏ। ଓସିଏ ପରିଚାଳନା କମିଟି ଅଧ୍ୟକ୍ଷ କହିଛନ୍ତି,“ ଶୁଭଙ୍କର କିଏ ଆମେ ଜାଣିନୁ। ଆମେ ତାଙ୍କୁ ପାସ୍ ଦେଇନୁ। ଆମେ ଯାହାକୁ ପାସ୍‌ ଦେଇଥିଲୁ, ସେ ତାଙ୍କୁ ଦେଇଥିବେ।”</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
