ଭିଭିଆଇପି ବକ୍ସରେ ଶୁଭଙ୍କର

<p>ଭୁବନେଶ୍ୱର (ଓଡ଼ିଶା ରିପୋର୍ଟର): ପୁଣି ଚର୍ଚ୍ଚାରେ ଶୁଭଙ୍କର ନାୟକ। ଚିଟ୍&zwnj;ଫଣ୍ଡ କାରବାରରେ ବଡ଼ ବଡ଼ ଭାଇଙ୍କ ସହ ଲିଙ୍କରେ ରହି ଚର୍ଚ୍ଚାକୁ ଆସିଥିବା ତଥାକଥିତ ମିଡିଲିମ୍ୟାନ୍ ଶୁଭଙ୍କରଙ୍କୁ ଗତକାଲି ଦେଖିବାକୁ ମିଳିଥିଲା ବାରବାଟୀ ଷ୍ଟାଡିୟମ୍&zwnj;ରେ। ବିସିସିଆଇ ବକ୍ସରେ ଭିଭିଆଇପିଙ୍କ ପାଇଁ ଉଦ୍ଦିଷ୍ଟ ବକ୍ସରେ ବସି ମ୍ୟାଚ୍ ଦେଖିଥିଲେ ଶୁଭଙ୍କର। ଏହି ବକ୍ସରେ ମନ୍ତ୍ରୀ, ବିଧାୟକଙ୍କ ସହ ଅନେକ ବରିଷ୍ଠ ଆଇଏଏସ୍ ଓ ଆଇପିଏସ୍ ଅଧିକାରୀ ମଧ୍ୟ ଉପସ୍ଥିତ ଥିଲେ। ଭିଭିଆଇପି ବକ୍ସରେ ଶୁଭଙ୍କରଙ୍କ ଉପସ୍ଥିତି ନେଇ ପୁଣି ଚର୍ଚ୍ଚା ଜୋର୍ ଧରିଛି।</p> <p>ପ୍ରଶ୍ନ ଉଠୁଛି ଶୁଭଙ୍କରଙ୍କୁ କେଉଁ ଆଧାରରେ ବିସିସିଆଇ ବକ୍ସ ପାଇଁ ମିଳିଲା VVIP ପାସ୍? କାହା ମାର୍ଫତରେ ପାସ୍ ପାଇଥିଲେ ଶୁଭଙ୍କର? ଜେଲ୍&zwnj;ରୁ ବାହାରିବା ପରେ ପୁଣି ଥରେ ଶୁଭଙ୍କର ନିଜ କାୟା ମେଲାଉ ନାହାଁନ୍ତି ତ? ପୂର୍ବରୁ ବି ପାଓ୍ୱାର୍ କରିଡର୍ ସହ ଶୁଭଙ୍କରଙ୍କର ଲିଙ୍କ୍ ଥିବା ଚର୍ଚ୍ଚା ହୋଇଥିଲା।</p> <p>୨୦୧୪ ନଭେମ୍ବର ୧୮ ତାରିଖରେ ସି-ସୋର୍ ଚିଟ୍&zwnj;ଫଣ୍ଡ ଠକେଇ ମାମଲାରେ ସିବିଆଇ ଶୁଭଙ୍କରଙ୍କୁ ଗିରଫ କରିଥିଲା। ଶୁଭଙ୍କର ସିସୋର୍ ମାଲିକ ପ୍ରଶାନ୍ତ ଦାଶ ଏବଂ ତଥାକଥିତ ଟପ୍ ବ୍ୟୁରୋକ୍ରାଟ୍ ମଧ୍ୟରେ&nbsp; ମଧ୍ୟସ୍ଥି ସାଜିଥିବା ଚର୍ଚ୍ଚା ହୋଇଥିଲା।&nbsp; ଶୁଭଙ୍କରଙ୍କ ଡାଏରୀରେ କିଛି ଟପ୍ ବ୍ୟୁରୋକ୍ରାଟଙ୍କ ନାଁ ଥିବା ବି କୁହାଯାଉଥିଲା।</p> <p>ଗତ ଅଗଷ୍ଟ ୧ ତାରିଖରେ ହାଇକୋର୍ଟରୁ ସର୍ତ୍ତମୂଳକ ଜାମିନ ପାଇବା ପରେ ଜେଲ୍&zwnj;ରୁ ମୁକୁଳିଥିଲେ ଶୁଭଙ୍କର। ଆଉ ଗତକାଲି ବାରବାଟୀରେ ଭିଭିଆଇପିଙ୍କ ପାଇଁ ଉଦ୍ଦିଷ୍ଟ ଗ୍ୟାଲେରିରେ ତାଙ୍କ ଉପସ୍ଥିତିରୁ ସେ ପୁଣି ପାଓ୍ୱାର୍ କରିଡରର ନିକଟତର ହେଉଥିବା ଚର୍ଚ୍ଚା ହେଉଛି।</p> <p>ଅନ୍ୟପଟେ&nbsp; ଶୁଭଙ୍କରଙ୍କୁ &nbsp;ପାସ୍&zwnj;&nbsp; ଦିଆଯାଇ ନଥିବା ସଫେଇ ଦେଇଛି ଓସିଏ। ଓସିଏ ପରିଚାଳନା କମିଟି ଅଧ୍ୟକ୍ଷ କହିଛନ୍ତି,&ldquo; ଶୁଭଙ୍କର କିଏ ଆମେ ଜାଣିନୁ। ଆମେ ତାଙ୍କୁ ପାସ୍ ଦେଇନୁ। ଆମେ ଯାହାକୁ ପାସ୍&zwnj; ଦେଇଥିଲୁ, ସେ ତାଙ୍କୁ&nbsp; ଦେଇଥିବେ।&rdquo;</p>