ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>ପୁରୀ(ଓଡ଼ିଶା ରିପୋର୍ଟର): ସୋସିଆଲ ମିଡିଆରେ ସୁଇସାଇଡାଲ୍ କାହାଣୀ। ଆତ୍ମହତ୍ୟା ପୂର୍ବରୁ ସୋସିଆଲ୍ ସାଇଟ୍‌ରେ ବୟାନ୍। ଦାମ୍ପତ୍ୟର ଜଟିଳ ଯୁଦ୍ଧରେ ହାରିଯାଇଥିବା ଜଣେ ସ୍ୱାମୀର କଳା କାହାଣୀ। ଆତ୍ମହତ୍ୟା ପୂର୍ବରୁ ଫେସବୁକ୍‌ ଜରିଆରେ ପ୍ରଥମେ ମା’ଙ୍କୁ ଜଣାଇଛନ୍ତି ବିଦାୟ। ପାରିବାରିକ କଳହର କରୁଣ ପରିଣତିକୁ ବଖାଣି ଜୀବନ ହାରିଦେଇଛନ୍ତି ସ୍ୱାମୀ। ପୁରୀ ଜିଲ୍ଲା ଗଡ଼ଭିଙ୍ଗୁରା ଗାଁର ଜଣେ ଯୁବକଙ୍କ ଏମିତି ଏକ ଘଟଣା ସାରା ଜିଲ୍ଲାରେ ଚାଞ୍ଚଲ୍ୟ ଖେଳାଇଦେଇଛି। ତେବେ କାହିଁକି ଏଭଳି ଚରମ ପଦକ୍ଷେପ ? କଣ ରହିଛି ଆତ୍ମହତ୍ୟା ପଛର କଳା କାହାଣୀ ?</p> <p>ନଜର ପକାନ୍ତୁ ପୁରା ଘଟଣା ଉପରେ। ପୁରୀ ଜିଲ୍ଲା ଗଡ଼ଭିଙ୍ଗୁରା ଗାଁର ଯୁବକ ଶାନ୍ତନୁ ପାତ୍ର । ସାକ୍ଷୀଗୋପାଳ ଅଞ୍ଚଳର ଜଣେ ଯୁବତୀଙ୍କ ସହ ଗତ ମାର୍ଚ୍ଚ ୨ ତାରିଖରେ ବୈଦିକ ରୀତିରେ ବିବାହ ହୋଇଥିଲା। ବାହାଘରର ମାତ୍ର କେଇଟା ଦିନ ପରେ ସ୍ୱାମୀ-ସ୍ତ୍ରୀଙ୍କ ମଧ୍ୟରେ ଆରମ୍ଭ ହେଲା ଫାଟ। ଅନ୍ୟଜଣେ ଯୁବକଙ୍କ ସହ ପତ୍ନୀର ଅନୈତିକ ସମ୍ପର୍କ ଅଭିଯୋଗ ଉଠିବା ପରେ ଦାମ୍ପତ୍ୟ ଜୀବନରେ ସୃଷ୍ଟି ହେଲା ଝଡ଼। ଆପୋଷ, ଆଲୋଚନା, ପୋଲିସ ଥାନା କିଛି ବି କାମ ଦେଲାନି। ବରଂ ଶାନ୍ତନୁଙ୍କୁ ଦିଆଯାଉଥିଲା ମାନସିକ ନିର୍ଯାତନା। ଏଭଳି ଅଭିଯୋଗ କରି ବିଭିନ୍ନ ସମୟରେ ସୋସିଆଲ୍ ମିଡିଆରେ ପୋଷ୍ଟ କରିଛନ୍ତି ଶାନ୍ତନୁ। ଆଉ ଆଜି ଜୀବନ ହାରିଦେଇଛନ୍ତି ସେ। ତା’ପୂର୍ବରୁ ପତ୍ନୀ ଓ ଶ୍ୱଶୂର ଘର ବିରୋଧରେ ଫେସ୍‌ବୁକ୍‌ରେ ଛାଡ଼ିଯାଇଛନ୍ତି ଚାଞ୍ଚଲ୍ୟକର ବୟାନ। ଅନ୍ୟପକ୍ଷରେ ଏନେଇ ସଂପୃକ୍ତ ଯୁବତୀ ଏବଂ ପରିବାର ଲୋକଙ୍କ ପ୍ରତିକ୍ରିୟା ମିଳି ନ ଥିବାବେଳେ ସୋସିଆଲ ମିଡିଆରେ ଏଭଳି ପୋଷ୍ଟକୁ ନେଇ ପୁରୀ ଜିଲ୍ଲାରେ ଚାଞ୍ଚଲ୍ୟ ଖେଳିଯାଇଛି ।</p> <p>ପ୍ରଶ୍ନ ଉଠୁଛି ଏଭଳି ମୃତ୍ୟୁ ପାଇଁ ଦାୟୀ କିଏ ? ଆତ୍ମହତ୍ୟା କ’ଣ ସମାଧାନର ବାଟ? ଉଭୟ ସ୍ୱାମୀ-ସ୍ତ୍ରୀଙ୍କ ବିବାଦ ଥାନାରେ ପହଞ୍ଚି ଥିବାବେଳେ ପୂର୍ବରୁ ପୋଲିସ ଉଚିତ୍ ପଦକ୍ଷେପ ନେଇଥିଲା କି ? ଏମିତି ଅନେକ ପ୍ରଶ୍ନ ଛିଡା ହୋଇଥିବାବେଳେ ବର୍ତ୍ତମାନ ପୁରୀ ସଦର ଥାନା ପୋଲିସ ମୃତଦେହର ବ୍ୟବଛେଦ ସହ ଅପମୃତ୍ୟୁ ମାମଲା ରୁଜୁ କରି ତଦନ୍ତ ଜାରିରଖିଛି।</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
