ସମସ୍ତଙ୍କୁ ଦେଉଛନ୍ତି, ଓଡ଼ିଶା ବେଳକୁ କୁନ୍ଥାଉଛନ୍ତି

<p>ଭୁବନେଶ୍ୱର (ଓଡ଼ିଶା ରିପୋର୍ଟର): ସ୍ୱଚ୍ଛ ନୁହେଁ ରାଜ୍ୟରେ ସ୍ୱଚ୍ଛ ଭାରତ ମିଶନ। କହିବାକୁ ଗଲେ ଓଡ଼ିଶାରେ ସ୍ୱଚ୍ଛ ଭାରତ ମିଶନ୍&zwnj; ଫେଲ୍&zwnj; ମାରିଛି। ତିନି ବର୍ଷ ଭିତରେ ଗାଁ ଗାଁରେ ବାଟବଣା ହୋଇଛି ମିଶନର ଅସଲ ଉଦ୍ଦେଶ୍ୟ। ପାଖାପାଖି ୫୦ ଲକ୍ଷ ପରିବାର ପାଖରେ ନାହଁ ନିଜସ୍ୱ ଶୌଚାଳୟ। ଏଥିପାଇଁ ମଧ୍ୟ କେନ୍ଦ୍ର ସରକାର ଦାୟୀ। କେନ୍ଦ୍ର ସରକାର ଟଙ୍କା ଦେଉନଥିବାରୁ ରାଜ୍ୟରେ ସ୍ୱଚ୍ଛ ଭାରତ ମିଶନ ଆଗକୁ ଯାଇପାରୁ ନାହିଁ।</p><p>ଗୁଜରାଟ, ହରିଆଣା, ହିମାଚଳପ୍ରଦେଶ, ଉତ୍ତରାଖଣ୍ଡ, ସିକିମ୍ ଓ କେରଳ ପରି ରାଜ୍ୟରେ ପ୍ରତି ପରିବାର ପାଖରେ ରହିଛି ଶୌଚାଳୟ। ମାତ୍ର ଓଡ଼ିଶାରେ ଏବେ ସୁଦ୍ଧା ୪୯ ଲକ୍ଷ ୬୦ ହଜାର ପରିବାର ପାଖରେ ଶୌଚାଳୟ ନାହିଁ। ରାଜ୍ୟସଭାରେ କେନ୍ଦ୍ର ପାନୀୟ ଜଳ ଓ ପରିମଳ ରାଷ୍ଟ୍ରମନ୍ତ୍ରୀ ଏପରି ଉତ୍ତର ରଖିଛନ୍ତି। ରାଜ୍ୟ ସରକାରଙ୍କ ଅଭିଯୋଗ ଅନୁଯାୟୀ ଚଳିତବର୍ଷ କେନ୍ଦ୍ର ଏଥିପାଇଁ ୩୦୦ କୋଟି ଦେବାକୁ ଥିବା ବେଳେ ଏର୍ଯ୍ୟନ୍ତ ମାତ୍ର ୮୪ କୋଟି ଦେଇଛନ୍ତି। ଟଙ୍କା ନ ଦେବାରୁ ମିଶନ ବାଧାପ୍ରାପ୍ତ ହେଉଛି ବୋଲି ପଞ୍ଚାୟତିରାଜ ମନ୍ତ୍ରୀ ଅଭିଯୋଗ କରିଛନ୍ତି।</p><p>ଏମ୍&zwnj;ଜିଏନ୍&zwnj;ଆର୍&zwnj;ଇଜିଏ ପରି ସ୍ୱଚ୍ଛ ଭାରତ ମିଶନରେ ପାଇଖାନା ପଲିଟିକ୍ସ କଥା କହି କେନ୍ଦ୍ର ଅବହେଳାରେ ରାଜ୍ୟ ଯୋଡିଛି ନୂଆ ଫର୍ଦ୍ଦ। ତେବେ କେନ୍ଦ୍ର ଟଙ୍କା ନ ଦେଲେ ମଧ୍ୟ ନିଜ ପାଣ୍ଠିରୁ ଟଙ୍କା ଖର୍ଚ୍ଚ କରି ୨୦୧୮ ଡିସେମ୍ବର ସୁଦ୍ଧା ଗ୍ରାମାଞ୍ଚଳର ସବୁ ପରିବାର ପାଖରେ ଶୌଚାଳୟ ପହଞ୍ଚାଇବାର ଲକ୍ଷ୍ୟ ରଖିଛନ୍ତି&nbsp; ରାଜ୍ୟ ସରକାର।</p><p>ସ୍ୱଚ୍ଛ ଭାରତ ମିଶନରେ ଗାଁର ପ୍ରତି ପରିବାର ପାଖରେ ଶୌଚାଳୟ ହେବ। ଏଥିପାଇଁ ଶୌଚାଳୟ ତିଆରି ମଧ୍ୟ ହେଲା। ଆଉ ଦିନ କେଇଟା ପରେ ଇଏ ହେଉଛି ବାସ୍ତବ ଚିତ୍ର। କେଉଁଟି ପାଇଖାନା ଭାଙ୍ଗି ପଡ଼ିଛି ତ ଆଉ କେଉଁଠି ବ୍ୟବହାର ହେଉନଥିବାରୁ ଗଛ ଲତା ମାଡ଼ି ଯାଇଛି। ଆଉ କିଛି ଜାଗାରେ ପାଇଖାନା ଗୁଡ଼ିକ ଅକାମୀ ହୋଇ ପଡ଼ି ରହିଛି। ଲୋକେ ପୂର୍ବପରି ଖୋଲା ଆକାଶ ତଳେ ମଳତ୍ୟାଗ କରୁଛନ୍ତି।</p><p>ବଲାଙ୍ଗିର ଜିଲ୍ଲା ପୁଇଁତଳା ବ୍ଲକ ଚନ୍ଦ୍ରପୁର ଗାଁରେ ରହୁଛନ୍ତି ୧୨୦ ପରିବାର। ଏମାନଙ୍କ ମଧ୍ୟରୁ ୯୦ ଟି ପରିବାରକୁ ସ୍ୱଚ୍ଛ ଭାରତ ମିଶନରେ ଶୌଚାଳୟ ମିଳିଛି। ନିୟମ ଅନୁଯାୟୀ ସରକାର ଦେଉଥିବା ୧୨ ହଜାର ଟଙ୍କାରେ ହିତାଧିକାରୀ ନିଜେ ଶୌଚାଳୟ କରିବେ। ତେବେ ଗାଁ ଲୋକଙ୍କ କହିବା କଥା ଏଠି କିନ୍ତୁ ଠିକାଦାର ଶୌଚାଳୟ କରି ଅଧାଟଙ୍କା ବାଟମାରଣା କରି ନେଇଛି। ନିମ୍ନମାନର କାମ ହୋଇଥିବାରୁ କେଉଁ ଗୋଟିଏ ବି ଶୌଚାଳୟ ବ୍ୟବହାର ଉପଯୋଗୀ ହୋଇ ନାହିଁ।</p>

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।