ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>ପୁରୀ: ବହୁଚର୍ଚ୍ଚିତ ଆରୁଷି ହତ୍ୟା ମାମଲାରୁ ଦୋଷମୁକ୍ତ ହୋଇ ନିକଟରେ ଜେଲ୍‌ରୁ ମୁକୁଳିଥିବା ଆରୁଷିଙ୍କ ବାପା ରାଜେଶ ତଲଓ୍ୱାର ଓ ମାଆ ନୁପୁର ତଲଓ୍ୱାର ଗତକାଲି ଶ୍ରୀମନ୍ଦିର ଆସି ମହାପ୍ରଭୁଙ୍କୁ ଦର୍ଶନ କରିଥିଲେ। ତଲଓ୍ୱାର ଦମ୍ପତିଙ୍କ ସହିତ ସେମାଙ୍କ ପୂର୍ବତନ ଓକିଲ ତଥା ପୁରୀ ସାଂସଦ ପିନାକୀ ମିଶ୍ର ମଧ୍ୟ ଶ୍ରୀମନ୍ଦିରକୁ ଆସିଥିଲେ। ମାମଲାରୁ ମୁକ୍ତି ମିଳିଲେ ସେମାନେ ମହାପ୍ରଭୁ ଜଗନ୍ନାଥଙ୍କୁ ଦର୍ଶନ କରି ଆଶୀର୍ବାଦ ନେବେ ବୋଲି ପୂର୍ବରୁ ମାନସିକ ରଖିଥିଲେ ବୋଲି କୁହାଯାଉଛି।</p> <p>ମହାପ୍ରଭୁଙ୍କୁ ଦର୍ଶନ କରିବା ପରେ ତଲଓ୍ୱାର ଦମ୍ପତି ଫେରିଯାଇଥିବା ସୂଚନା ମିଳିଛି।</p> <p>ସୂଚନାଯୋଗ୍ୟ, ଗତ ଅକ୍ଟୋବର ୧୬ ତାରିଖରେ ତଲଓ୍ୱାର ଦମ୍ପତି ଏହି ମାମଲାରେ ଦୋଷ ମୁକ୍ତ ହୋଇ ଗାଜିଆବାଦର ଦାସ୍‌ନା ଜେଲ୍‌ରୁ ମୁକୁଳିଥିଲେ। ସିବିଆଇ କୋର୍ଟ ଉଭୟଙ୍କୁ ଆଜୀବନ କାରାଦଣ୍ଡରେ ଦଣ୍ଡିତ କରିଥିଲେ। ତେବେ ଏହାକୁ ଆହ୍ଲାବାଦ ହାଇକୋର୍ଟରେ ଚ୍ୟାଲେଞ୍ଜ୍ କରି ଦୋଷମୁକ୍ତ ହୋଇଥିଲେ ତଲଓ୍ୱାର୍ ଦମ୍ପତି।</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
