ଟାର୍ଗେଟ୍‌ ସବୁଜ ଜହର: ଗଞ୍ଜେଇ ମୁକ୍ତି ପାଇଁ ପ୍ରସ୍ତୁତ ହେଉଛି ବ୍ଲ୍ୟୁ ପ୍ରିଣ୍ଟ

<p>ଭୁବନେଶ୍ୱର (ଓଡ଼ିଶା ରିପୋର୍ଟର): ଓଡିଶା ପୋଲିସ ଟାର୍ଗେଟରେ ଏବେ ଗଞ୍ଜେଇ। କେମିତି ଏହି ସବୁଜ ଜହରକୁ ଧ୍ୱଂସ କରାଯିବ ସେ ନେଇ ପ୍ରସ୍ତୁତ ହୋଇଛି ବ୍ଲ୍ୟୁ ପ୍ରିଣ୍ଟ। ଏଥିପାଇଁ ଗଠନ ହୋଇଛି ଷ୍ଟେଟ କୋଅର୍ଡିନେସନ କମିଟି।</p> <p>ଗତକାଲି ଡିଜିପିଙ୍କ ଅଧ୍ୟକ୍ଷତାରେ ଭୁବନେଶ୍ୱରରେ ଏ ନେଇ ଗୁରୁତ୍ୱପୂର୍ଣ୍ଣ ବୈଠକ ବସିଥିଲା। ଯେଉଁଥିରେ କ୍ରାଇମବ୍ରାଞ୍ଚ ଏଡିଜିଙ୍କ ସମେତ ଯୋଗ ଦେଇଥିଲେ ଅବକାରୀ ଏବଂ ନାର୍କୋଟିକ କଣ୍ଟ୍ରୋଲ ବୋର୍ଡର ବରିଷ୍ଠ ଅଧିକାରୀ ଓ ରାୟଗଡା, ମାଲକାନଗିରି, ଅନୁଗୋଳ, କନ୍ଧମାଳ, ଦେଓଗଡ, ବୌଦ୍ଧ ଜିଲ୍ଲାର ଏସ୍&zwnj;ପି।</p> <p>ଗଞ୍ଜେଇ ଗଛ ନଷ୍ଟ କରିବାରେ ଦେଶରେ ଓଡିଶା ଦ୍ୱିତୀୟ ସ୍ଥାନରେ ଥିବାବେଳେ ପ୍ରଥମରେ ରହିଛି ହିମାଚଳ ପ୍ରଦେଶ। ଗତବର୍ଷ ୪ ହଜାର ଏକର ଜମିରୁ ଗଞ୍ଜେଇ ଗଛ ନଷ୍ଟ କରାଯାଇଥିବା ବେଳେ ଏବର୍ଷ ମଧ୍ୟ ସମାନ ଟାର୍ଗେଟ ଦିଆଯାଇଛି। ସେପଟେ ଗଞ୍ଜେଇ ଚାଷ ଧ୍ୱଂସ ପ୍ରସଙ୍ଗରେ ଟ୍ୱିଟ୍&zwnj; କରି ପ୍ରତିକ୍ରିୟା ରଖିଛନ୍ତି କେନ୍ଦ୍ରାପଡ଼ା ସାଂସଦ ବୈଜୟନ୍ତ ପଣ୍ଡା। ସେ ତାଙ୍କ ଟ୍ୱିଟ୍&zwnj;ରେ ଉଲ୍ଲେଖ କରିଚନ୍ତି, &ldquo;ଏଭଳି ବେଆଇନ୍ କାରବାରକୁ ସମ୍ପୂର୍ଣ୍ଣ ବନ୍ଦ କରିବାକୁ ଏବେ ସମୟ ଆସିଛି।&rdquo;</p>