ଶିକ୍ଷକ ସଂଘ ଦୁଇଫାଳ: ସଭାପତିଙ୍କ ଘୋଷଣାକୁ ବେଖାତିର, ପିଏମ୍‌ଜି ଅବରୋଧ

<p>ଭୁବନେଶ୍ୱର (ଓଡ଼ିଶା ରିପୋର୍ଟର): ବିଭିନ୍ନ ଦାବି ନେଇ ରାଜଧାନୀରେ ଆନ୍ଦୋଳନ ଚଲାଇଥିବା ଶିକ୍ଷକ ସଂଘ ମଧ୍ୟରେ ସୃଷ୍ଟି ହୋଇଛି ଫାଟ। ଗଣଶିକ୍ଷା ମନ୍ତ୍ରୀଙ୍କ ସହ ଆଲୋଚନା ପରେ ଶିକ୍ଷକ ସଂଘ ସଭାପତି ଆସନ୍ତା ୩୦ ତାରିଖ ପର୍ଯ୍ୟନ୍ତ ଆନ୍ଦୋଳନ ସ୍ଥଗିତ ରହିଲା ବୋଲି ଘୋଷଣା କରିଥିଲେ। ମନ୍ତ୍ରୀ ଦାବି ପୂରଣ ନେଇ ପ୍ରତିଶ୍ରୁତି ଦେଇଥିବା ସଭାପତି ରାଜେଶ ମହାନ୍ତି କହିଥିଲେ। ହେଲେ ସଭାପତିଙ୍କ ମନ୍ତବ୍ୟକୁ ସହଜରେ ଗ୍ରହଣ କରିନାହାନ୍ତି ଆନ୍ଦୋଳନରେ ବସିଥିବା ଶିକ୍ଷକମାନେ। ସଭାପତିଙ୍କ ଘୋଷଣା ପରେ ଶିକ୍ଷକଙ୍କ ମଧ୍ୟରେ ଉତ୍ତେଜନା ପ୍ରକାଶ ପାଇଥିଲା। ଦାବି ପୂରଣ ନହେବା ପର୍ଯ୍ୟନ୍ତ ସେମାନେ ରାସ୍ତାରୁ ହଟିବେ ନାହିଁ ବୋଲି ଚେତାବନୀ ଦେବା ସହ ଲୋୟର ପିଏମ୍&zwnj;ଜିରେ ରାସ୍ତାରୋକ କରିଛନ୍ତି।</p> <p>&lt;span style=&quot;color: #ff0000;&quot;&gt;ଶିକ୍ଷକଙ୍କୁ ଭେଟିଲା ବିଜେପି ପ୍ରତିନିଧି ଦଳ&lt;/span&gt;</p> <p>ସଭାପତିଙ୍କ ଘୋଷଣାକୁ ପ୍ରତ୍ୟାଖାନ କରି ରାସ୍ତାରୋକ କରିଥିବା ଶିକ୍ଷକଙ୍କୁ ଭେଟିଛି ବିଜେପିର ଏକ ପ୍ରତିନିଧି ଦଳ। ବିଜେପି ମୁଖପାତ୍ର ସଜ୍ଜନ ଶର୍ମାଙ୍କ ନେତୃତ୍ୱରେ ୩ ଜଣିଆ ପ୍ରତିନିଧି ଦଳ ଲୋୟର ପିଏମ୍&zwnj;ଜି ଯାଇ ଧାରଣାରତ ଶିକ୍ଷକଙ୍କ ସହ ଆଲୋଚନା କରିଛନ୍ତି। ଏହାସହ ସରକାର ଶିକ୍ଷକଙ୍କ ମଧ୍ୟରେ ଫାଟ ସୃଷ୍ଟି କରୁଛନ୍ତି ବୋଲି ସଜ୍ଜନ ଶର୍ମା ଅଭିଯୋଗ କରିଛନ୍ତି। ଏହାସହ ସେ କହିଛନ୍ତି, &ldquo;ଏହା ଦୁର୍ଭାଗ୍ୟପୂଣ୍ଣଆ। ସରକାର ତୁରନ୍ତ ଶିକ୍ଷକଙ୍କ ଦାବି ପୂରଣ କରନ୍ତୁ।</p>