ଦାମଙ୍କ ପାଇଁ ବଢୁଛି ବିପଦ, ସୁରକ୍ଷା କଡ଼ାକଡ଼ି  

<p>ଭୁବନେଶ୍ୱର: ବିଜେଡିର ବରିଷ୍ଠ ବିଧାୟକ ତଥା ପୂର୍ବତନ ମନ୍ତ୍ରୀଙ୍କ ଦାମୋଦର ରାଉତଙ୍କ ପାଇଁ&nbsp; ଦିନକୁ ଦିନ ଅଡ଼ୁଆ ବଢିବାରେ ଲାଗିଛି। ବ୍ରାହ୍ମଣ ସମାଜ ପ୍ରତି ଦେଇଥିବା ଆପତ୍ତିଜନକ ମନ୍ତବ୍ୟ ତାଙ୍କ ପ୍ରତି ମହଙ୍ଗା ସାବ୍ୟସ୍ତ ହୋଇଛି। ମନ୍ତ୍ରୀପଦରୁ ବିଦା ହେବା ସତ୍ତ୍ୱେ ବ୍ରାହ୍ମଣଙ୍କ ରାଗ ଶାନ୍ତ ହୋଇ ନାହିଁ।&nbsp; ତେଣୁ ଦାମଙ୍କୁ ଘେରିବା ପାଇଁ&nbsp; ବ୍ରାହ୍ମଣମାନେ ଏକାଠି ହୋଇଛନ୍ତି।</p> <p>ପରିସ୍ଥିତିକୁ ନଜରରେ ରଖି ଦାମୋଦର ରାଉତଙ୍କ ଘର ଆଗରେ କଡ଼ା ସୁରକ୍ଷା ବ୍ୟବସ୍ଥା କରାଯାଇଛି। ଆଜି ବ୍ରାହ୍ମଣ ମହାସଂଘ ପକ୍ଷରୁ ଦାମୋଦର ରାଉତଙ୍କ ବିରୋଧରେ ବିକ୍ଷୋଭ ପ୍ରଦର୍ଶନ କରାଯାଇଥିଲା। &nbsp;କ୍ଷମାପ୍ରାର୍ଥନା, ଦଳରୁ ବହିଷ୍କାର ଦାବିରେ ବ୍ରାହ୍ମଣ ମହାସଂଘ ପକ୍ଷରୁ ବିକ୍ଷୋଭ କରାଯାଇଥିଲା। &nbsp;ସଂଘ ପକ୍ଷରୁ ଦାମ ରାଉତଙ୍କ ବାସଭବନ ଘେରାଉ କାର୍ଯ୍ୟକ୍ରମ ଥିଲା।</p> <p>ତେଣୁ ଉତ୍ତେଜନା ଆଶଙ୍କାରେ ଦାମଙ୍କ ବାସଭବନ ଆଗରେ କଡା&nbsp; ସୁରକ୍ଷ ବ୍ୟବସ୍ଥା କରାଯାଇଛି । ଶିଶୁଭବନ ଛକରେ ବିକ୍ଷୋଭକରୀଙ୍କୁ ଅଟକ ରଖିଛି ପୋଲିସ।&nbsp; ସୂଚନା ଯୋଗ୍ୟ ଯେ, ବ୍ରାହ୍ମଣଙ୍କୁ ଭିକାରି ସମ୍ବୋଧନ କରିବାରୁ ସାରା ରାଜ୍ୟରେ ବ୍ରାହ୍ମଣଙ୍କ ମଧ୍ୟରେ ତୀବ୍ର ଅସନ୍ତୋଷ ପ୍ରକାଶ ପାଇଥିଲା।&nbsp; ପରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟ ଗତ ଶୁକ୍ରବାର ତାଙ୍କୁ ମନ୍ତ୍ରୀପଦରୁ ବରଖାସ୍ତ କରିଥିଲେ। ଆଉ ଗତକାଲି ବିଜେଡି ଉପସଭାପତି ପଦରୁ ତାଙ୍କୁ ବିଦା କରାଯାଇଛି।</p>