ବାଜିଲା ବିଜେପୁର ଉପନିର୍ବାଚନ ବିଗୁଲ୍‌: ବିଧିବଦ୍ଧ ଭାବେ ପ୍ରକାଶ ପାଇଲା ବିଜ୍ଞପ୍ତି

ଭୁବନେଶ୍ୱର: ବରଗଡ଼ ଜିଲ୍ଲାର ବିଜେପୁର ବିଧାନସଭା ନିର୍ବାଚନମଣ୍ଡଳୀରେ ଉପନିର୍ବାଚନ ପାଇଁ ଆଜି ବିଧିବଦ୍ଧ ଭାବେ ବିଜ୍ଞପ୍ତି ପ୍ରକାଶ ପାଇଛି। ଉପନିର୍ବାଚନ ପାଇଁ ଫେବୃଆରୀ ୨୪ରେ ଭୋଟଗ୍ରହଣ ହେବ। ଫେବୃଆରୀ ୬ ତାରିଖ ନାମାଙ୍କନ ଦାଖଲର ଶେଷ ତାରିଖ ରହିଛି। ୭ ତାରିଖରେ ନାମାଙ୍କନ ଯାଞ୍ଚ ଓ ନାମାଙ୍କନ ପ୍ରତ୍ୟାହାରର ଶେଷ ତାରିଖ ଫେବୃୟାରୀ ୯ ତାରିଖ ରହିଛି। ଫେବୃୟାରୀ ୨୪ ତାରିଖ ସକାଳ ୮ଟାରୁ ଅପରାହ୍ନ ୫ଟା ଯାଏଁ ଭୋଟ୍ ଗ୍ରହଣ ହେବ।

ମାର୍ଚ୍ଚ ୩ ତାରିଖ ପୂର୍ବରୁ ସମସ୍ତ ଉପନିର୍ବାଚନ ପ୍ରକ୍ରିୟା ଶେଷ କରାଯିବ ବୋଲି ବିଜ୍ଞପ୍ତିରେ ଉଲ୍ଲେଖ ରହିଛି।  ଏଥିପାଇଁ ମୁଖ୍ୟ ନିର୍ବାଚନ ଅଧିକାରୀଙ୍କ ପକ୍ଷରୁ ସବୁ ବ୍ୟବସ୍ଥା ହୋଇଛି। ଭୋଟର ଲିଷ୍ଟ ମଧ୍ୟ ଚୂଡ଼ାନ୍ତ ହୋଇସାରିଛି। ଏଥର ୨ ଲକ୍ଷ ୨୧ ହଜାର ୧୪୪ ମତଦାତା ବିଜେପୁର ଉପନିର୍ବାଚନରେ ଭୋଟ ଦେବେ। ପ୍ରଥମଥର ପାଇଁ ବିଜେପୁରରେ ମତଦାନ ବେଳେ ଇଲେକ୍ଟ୍ରୋନିକ୍ସ ଭୋଟିଂ ମେସିନ୍ ବା ଇଭିଏମ୍ ବ୍ୟବହାର ହେବ। ତା ସହ ଭିଭିପାଟ୍‌ (Voter Verifiable Paper Audit Trail)ର ମଧ୍ୟ ବ୍ୟବହାର କରାଯିବ। ଏହାଫଳରେ ଭୋଟର ନିଜ ଭୋଟ୍‌ର ସ୍ଥିତି ସଂପର୍କରେ ଜାଣିପାରିବେ, ପରିଣାମସ୍ୱରୂପ ଭୋଟ ଜାଲିଆତି ଆଶଙ୍କାକୁ ମଧ୍ୟ ଏହା ଅନେକ ମାତ୍ରାରେ ପ୍ରତିହତ କରିପାରିବ।

ଭିଭିପାଟ୍‌ କ’ଣ? ଜାଣିବାକୁ ଏଇ ଲିଙ୍କ୍‌ରେ କ୍ଲିକ୍ କରନ୍ତୁ

http://odishareporter.in/top-story/evm-and-vvpat-will-use-election/