ବାରବାଟୀ ଟି-୨୦: ଆଜି ଭୁବନେଶ୍ୱରରେ ପହଞ୍ଚିବେ ଭାରତ-ଶ୍ରୀଲଙ୍କା ଖେଳାଳି

<p>ଭୁବନେଶ୍ୱର (ଓଡ଼ିଶା ରିପୋର୍ଟର): ଆସନ୍ତା ୨୦ ତାରିଖରେ ଭାରତ-ଶ୍ରୀଲଙ୍କା ଟି-୨୦ ମ୍ୟାଚ୍ ପାଇଁ ଆଜି ଭୁବନେଶ୍ୱରରେ ପହଞ୍ଚିବେ ଦଳ ଦେଶର ଖେଳାଳି। ଆସନ୍ତାକାଲିଠାରୁ ଖେଳାଳିମାନେ ବାରବାଟୀରେ ପ୍ରାକ୍ଟିସ୍&zwnj; କରିବେ। ଏହି ଅନ୍ତର୍ଜାତୀୟ ମ୍ୟାଚ ପାଇଁ ଟୁଇନ୍&zwnj;ସିଟିରେ ସୁରକ୍ଷା ବ୍ୟବସ୍ଥା କଡ଼ାକଡ଼ି କରାଯାଇଛି। କଟକରେ ୬୩ ପ୍ଲାଟୁନ ଓ ଭୁବନେଶ୍ୱରରେ ୧୮ ପ୍ଲାଟୁନ ଫୋର୍ସ ମୁତୟନ ହେବେ।</p> <p>ସେପଟେ ଷ୍ଟାଡିୟମ ଭିତରକୁ ପାଣି ବୋତଲ, ଗୁଟ୍&zwnj;କା, ବିଡି, ସିଗାରେଟ୍&zwnj;, ଡିଆଇସିଲ୍&zwnj; ଓ ମାରଣାସ୍ତ୍ର ସହ ଅନ୍ୟାନ ଜିନିଷ ନେବାକୁ ବାରଣ କରାଯାଇଛି।</p> <p>ଟିକେଟ ନମିଳିବାରୁ ଗତକାଲି ଦୀର୍ଘ ସମୟ ଧରି ଲାଇନରେ ଛିଡ଼ା ହୋଇ ମଧ୍ୟ ଟିକେଟ୍ ନପାଇବାରୁ ଉତ୍ତେଜିତ ହୋଇ କାଉଣ୍ଟରକୁ ଟେକା ପଥର ଫିଙ୍ଗିବା ସହ ବାରିକେଡ୍ ଭାଙ୍ଗିଥିଲେ ଦର୍ଶକ। ଆସନ୍ତା ବୁଧବାର ବରବାଟୀରେ ଭାରତ-ଶ୍ରୀଲଙ୍କା ମଧ୍ୟରେ ଟି-ଟ୍ୱେଣ୍ଟି ସିରିଜର ପ୍ରଥମ ମ୍ୟାଚ୍ ଖେଳାଯିବ। ଏଥିପାଇଁ ଶନିବାରଠାରୁ ସାଧାରଣ ଦର୍ଶକଙ୍କ ଲାଗି କାଉଣ୍ଟରରେ ଟିକେଟ୍ ବିକ୍ରି ଆରମ୍ଭ ହୋଇଥିଲା। ଗତକାଲି ସକାଳେ ବହୁ ଦର୍ଶକ ଲମ୍ବା ଲାଇନ ଲାଗାଇ ଟିକେଟ୍ ପାଇଁ ଅପେକ୍ଷା କରିଥିଲେ। ତେବେ କାଉଣ୍ଟରରେ ଟିକେଟ୍ ଉପଲବ୍ଧ ନହେବାରୁ ଦର୍ଶକଙ୍କ ମଧ୍ୟରେ ଉତ୍ତେଜନା ପ୍ରକାଶ ପାଇଥିଲା।</p>