ରାତି ପାହିଲେ ଭୋଟ୍‌, ପ୍ରାର୍ଥୀଙ୍କ ଛାତି ଧଡଧଡ

<p>ବରଗଡ଼(ଓଡ଼ିଶା ରିପୋର୍ଟର): ଆସନ୍ତାକାଲି ବିଜେପୁର ଉପ-ନିର୍ବାଚନ ହେବ। ଭୋଟ୍&zwnj; ଗ୍ରହଣ ସକାଳ ୮ଟାରୁ ଆରମ୍ଭ ହୋଇ ସନ୍ଧ୍ୟା ୫ଟା ପର୍ଯ୍ୟନ୍ତ ଚାଲିବ। ମତଦାନ କରି ନିଜ ମନ ପସନ୍ଦର ପ୍ରାର୍ଥୀଙ୍କୁ ବାଛିବେ ପ୍ରାୟ ୨ ଲକ୍ଷ ୨୧ ହଜାର ଭୋଟର। କାଲି ଭୋଟ ଥିବାରୁ ପ୍ରାର୍ଥୀଙ୍କ ଛାତି ଧଡଧଡ ହେବା ଆରମ୍ଭ ହୋଇଯାଇଛି।</p><p>ଇଭିଏମ୍ ଓ ଭିଭିପାଟ୍ ମେସିନ୍ ଧରି ପୋଲିଂ ବୁଥ୍&zwnj;ରେ ପହଞ୍ଚି ସାରିଛନ୍ତି ପୋଲିଂ ପାର୍ଟି। ଏଥର ବିଜେପୁର ନିର୍ବାଚନମଣ୍ଡଳୀରେ ୨୮୧ଟି ମତଦାନ କେନ୍ଦ୍ର ହୋଇଛି। ଯେଉଁଥିରୁ ୧୫୫ ବୁଥକୁ ସମ୍ୱେଦନଶୀଳ ଭାବେ ଟିହ୍ନଟ କରାଯାଇଛି। ଯାହା ଉପରେ ରହିବ ସୁରକ୍ଷା କର୍ମୀଙ୍କ କଡ଼ା ନଜର। ସମ୍ୱେଦନଶୀଳ ବୁଥ୍&zwnj;ରେ ରହିବେ କେନ୍ଦ୍ରରୁ ଆସିଥିବା ମାଇକ୍ରୋ ଅବଜରଭର। ଅବାଧ ଓ ମୁକ୍ତ ନିର୍ବାନ ଲାଗି ୧୨ଟି ସ୍କ୍ୱଡ, ୪୦ଟି ମୋବାଇଲ ପାର୍ଟି ଗଠନ କରାଯାଇଛି। ସମଗ୍ର ନିର୍ବାଚନ ମଣ୍ଡଳୀରେ ନିୟୋଜିତ ରହିବେ ୫ କମ୍ପାନୀ କେନ୍ଦ୍ରୀୟ ଅର୍ଦ୍ଧସାମରିକ ବାହିନୀ ଓ ୩୬ ପ୍ଲାଟୁନ୍ ଓଡ଼ିଶା ପୋଲିସ୍। ତାପୂର୍ବରୁ ଆଜି ବିଜେପୁରର ବିଭିନ୍ନ ସ୍ଥାନରେ ଫ୍ଲାଗମାର୍ଚ୍ଚ କରିଛି ପୋଲିସ୍। ଭୋଟ୍ ପାଇଁ କେହି ଲାଞ୍ଚ ଯାଚୁଥିଲେ ସୂଚନା ଦାତାଙ୍କୁ ପୁରସ୍କାର ମିଳିବ ବୋଲି କହିଛନ୍ତି ବରଗଡ଼ ଏସ୍&zwnj;ପି ଜୟନାରାୟଣ ପଙ୍କଜ।</p><p>କେନ୍ଦ୍ର ନିର୍ବାଚନ ଆୟୋଗଙ୍କ ନିର୍ଦ୍ଦେଶ ଅନୁସାରେ ବିଜେପୁର ଉପନିର୍ବାଚନକୁ ଶୃଙ୍ଖଳିତ କରିବାକୁ ସବୁ ପ୍ରକାର ବ୍ୟବସ୍ଥା ଗ୍ରହଣ କରାଯାଇଥିବା କହିଛନ୍ତି ରାଜ୍ୟ ମୁଖ୍ୟ ନିର୍ବାଚନ ଅଧିକାରୀ। ଏମିତିକି ବିଜେପୁରରେ ପାଟ୍ରୋଲିଂ ପାର୍ଟି ବଢାଯିବାକୁ ସେ ଡିଜିପିଙ୍କ ସହ କଥା ହୋଇଛନ୍ତି। ମତଦାନ ସରିବା ପର୍ଯ୍ୟନ୍ତ ବିଜେପୁରର ସମସ୍ତ ହୋଟେଲ ଓ ଗେଷ୍ଟ ହାଉସରେ ଚଢାଉ ପାଇଁ ନିର୍ଦ୍ଦେଶ ହୋଇଛି। କୌଣସି ବାହାର ଲୋକଙ୍କୁ ରହିବାକୁ ଅନୁମତି ଦିଆଯିବ ନାହିଁ। ନିର୍ବାଚନମଣ୍ଡଳୀ ସୀମା ସିଲ୍ କରଯିବା ସହ ସମସ୍ତ ପ୍ରାର୍ଥୀଙ୍କୁ ସୁରକ୍ଷା ଦେବାକୁ ରାଜ୍ୟ ମୁଖ୍ୟ ନିର୍ବାଚନ ଅଧିକାରୀ ସୁରେନ୍ଦ୍ର କୁମାର ନିର୍ଦ୍ଦେଶ ଦେଇଇଛି।</p><p>କାଲି ଭୋଟ୍ ଗ୍ରହଣ ସରିବା ପରେ ଇଭିଏମ୍&zwnj;କୁ କଡ଼ା ସୁରକ୍ଷାରେ ରଖାଯିବ। ୨୮ ତାରିଖରେ ଗଣତି ହୋଇ ସେହିଦିନ ଫଳ ପ୍ରକାଶ ପାଇବ। ସେପଟେ ଆସନ୍ତାକାଲିର ଭୋଟ୍ ଗ୍ରହଣ ପାଇଁ ଏହି ନିର୍ବାଚନମଣ୍ଡଳୀ ଅନ୍ତର୍ଗତ ସମସ୍ତ ଶିଳ୍ପ ସଂସ୍ଥା, ଦୋକାନ ଓ ବ୍ୟବସାୟ ଅନୁଷ୍ଠାନରେ କାର୍ଯ୍ୟରତ କର୍ମଚାରୀଙ୍କୁ ସବୈତନିକ ଛୁଟି ଦିବସ ଘୋଷଣା କରିଛନ୍ତି ଶ୍ରମ ଓ କର୍ମଚାରୀ ରାଜ୍ୟ ବୀମା ବିଭାଗ।</p>

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।