ଆଠଗଡ଼ (ନୀଳକଣ୍ଠ ଦୋରା): କଟକ ଜିଲ୍ଲା ଆଠଗଡ଼ ନିକଟ ଘଣ୍ଟିଖାଲ ନିଧପୁର ଷ୍ଟେସନ ପାଖରେ ଆଜି ଏକ ମାଲବାହୀ ଟ୍ରେନ୍ରୁ ୫ଟି ବଗି ଛିଡ଼ି ଅଲଗା ହୋଇଯାଇଥିଲା। ୫ଟି ବଗିକୁ ଛାଡ଼ି ଟ୍ରେନ୍ଟି ବେଶ୍ କିଛି ଦୂର ପଳାଇଥିଲା। ତେବେ ଏହା ପୁରୁଣା କଟକ-ସମ୍ବଲପୁର ଲାଇନ୍ର ନିଧିପୁର ଲେବଲ୍ କ୍ରସିଂ ଠାରେ ଅଟକି ଥିଲା। ଏଥିଯୋଗୁ ପ୍ରାୟ ଘଣ୍ଟାଏ ଧରି ନିଧିପୁର ଲେବଲ୍ କ୍ରସିଂର ଉଭୟ ପଟ ରାସ୍ତାରେ ଶହଶହ ଗାଡ଼ିମଟର ଅଟକି ରହିଥିଲା। ଷ୍ଟେସନ କର୍ତ୍ତୃପକ୍ଷଙ୍କ ସୂଚନା ଆଧାରରେ ରେଳବାଇ ଅଧିକାରୀ ଓ ଅନ୍ୟ କର୍ମଚାରୀ ଘଟଣାସ୍ଥଳରେ ପହଞ୍ଚିଥିଲେ। ଏହାପରେ ଟ୍ରେନ୍ଟି ପୁଣି ଥରେ ନିଧିପୁର ଷ୍ଟେସନକୁ ଫେରିଥିଲା। ଅଲଗା ହୋଇଥିବା ବଗିର ଲକ୍ ଓ ପାଇପକୁ ଲଗାଇବା ପରେ ଟ୍ରେନଟି ପୁଣି ଯାତ୍ରା କରିଥିଲା।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
