ଟିଟିଲାଗଡ଼ (ଓଡ଼ିଶା ରିପୋର୍ଟର): ଅହମ୍ମଦାବାଦରୁ ପୁରୀ ଆସୁଥିବା ପୁରୀ-ଅହମ୍ମଦାବାଦ ଏକ୍ସପ୍ରେସ୍ର ଇଞ୍ଜିନ ବଦଳା ଯାଉଥିବା ବେଳେ ଟିଟିଲାଗଡ଼ଠାରୁ ବଗି ଗୁଡ଼ିକ ବିପରୀତ ଦିଗକୁ ଗଡ଼ି ଯାଇଥିଲା। ପାଖାପାଖି ୧୫ କିଲୋମିଟର ଦୂର କେସିଙ୍ଗା ଷ୍ଟେସନ୍ରେ ଅଟକି ଥିଲା। ବଗି ଗୁଡ଼ିକ ଆଣିବା ପାଇଁ ଏବେ ଦୁଇଟି ନୂଆ ଇଞ୍ଜିନ ଯାଇଛି।
ପୁରୀ-ଅହମ୍ମଦାବାଦ ଏକ୍ସପ୍ରେସ୍ ଆଜି ରାତି ସାଢ଼େ ୧୦ଟାରେ ଟିଟିଲାଗଡ଼ ଷ୍ଟେସନ୍ରେ ପହଞ୍ଚି ଥିଲା। ସେଠାରେ ଇଞ୍ଜିନ ବଦଳା ଯାଉଥିଲା। ଅସାବଧାନତା ଯୋଗୁଁ ହଠାତ ବଗି ଗୁଡ଼ିକ ଗଡ଼ି ଯିବା ଆସିବା କରିଥିଲା। ପରେ ଦ୍ରୁତ ଗତିରେ ଗଡ଼ିବାରେ ଲାଗିଲା। ଟ୍ରେନ୍ର ଏପରି ଅବସ୍ଥା ଦେଖି ଯାତ୍ରୀମାନେ ଭୟଭୀତ ହୋଇପଡ଼ି ଥିଲେ। ଶେଷରେ ଟ୍ରେନ୍ଟିକୁ କେସିଙ୍ଗାରେ ଅଟକାଇବାରେ ସଫଳ ହୋଇଥିଲେ। ଏହି ସମୟରେ ଯାତ୍ରୀମାନେ ରେଳ ବିଭାଗ କର୍ମଚାରୀଙ୍କୁ ଫୋନ୍ କରିଥିଲେ ମଧ୍ୟ ଠିକ୍ ଭାବେ ଉତ୍ତର ପାଇନଥିଲେ।