ଭରା ନଦୀରେ ଭୟଙ୍କର ଯାତ୍ରା, ଦେଖନ୍ତୁ ଦୟନୀୟ ଚିତ୍ରର ଏକ୍ସକ୍ଲୁସିଭ ଭିଡିଓ

<p>ଗଜପତି: ଗାଁର ଏକମାତ୍ର ସାହାରା କାଠ ପୋଲ। &nbsp;ନଦୀର ଏପାଖରୁ ସେପାଖ ଯିବା ପାଇଁ ପ୍ରତିଦିନ ବିପଦସଙ୍କୁଳ ଅବସ୍ଥାରେ ନଦୀ ପାର କରନ୍ତି ଗ୍ରାମବାସୀ । ଗଜପତି ଜିଲ୍ଲା ମୋହନାର କାକତବନ୍ଧା ଗାଁରେ ନା ପହଞ୍ଚି ପାରୁଛି ବିକାଶ ନାଁ ସରକାରୀ ସୁବିଧା ସୁଯୋଗ। &nbsp;ସେପଟେ ସ୍ଥାୟୀ ପୋଲ ପାଇଁ ପ୍ରଶାସନ ପାଖକୁ ଦୌଡ଼ି ଦୌଡ଼ି ନୟାନ୍ତ ହେଲେଣି ଅଞ୍ଚଳବାସୀ।&nbsp; ଏଦୃଶ୍ୟ ଦେଖିବାକୁ ଯେତେ ରୋମାଞ୍ଚକର ତାଠୁ ଢେର ଅଧିକ ଦୟନୀୟ। &nbsp;ଗଜପତି ଜିଲ୍ଲା ନୂଆଗଡ଼ ବ୍ଲକ ଉଦୟପୁର ପଞ୍ଚାୟତର କାକବନ୍ଧା ଗାଁର ଏହି ଦୃଶ୍ୟ ଦେଖିବାକୁ ମିଳିଛି। ଏହି ଚିତ୍ର ବୟାନ କରୁଛି କେତେ ଅବହେଳିତ ଗାଁର ଅବସ୍ଥା।</p> <p>ନିତି ଦିନିଆ ରାସ୍ତା ହେଉଛି ଏହି କାଠ ଗଣ୍ଡି। ନଦୀ ଏପଟୁ ସେପଟକୁ ଯିବା ପାଇଁ ଏକମାତ୍ର ସାହାରା ଏହି କାଠ ଗଣ୍ଡି । ଦିନେ କିମ୍ବା ଦୁଇ ଦିନ ନୁହଁ ବର୍ଷ ତମାମ ଏପରି ବିପଦସଙ୍କୁଳ ଅବସ୍ଥାରେ ନଦୀ ପାର ହୁଅନ୍ତି ଗ୍ରାମବାସୀ। କାକବନ୍ଧା ଗାଁକୁ ଅନ୍ୟ ଅଞ୍ଚଳ ସହ ଯୋଡ଼ିବା ପାଇଁ ଏହା ଏକମାତ୍ର ରାସ୍ତା ।</p> <p>ତେବେ ବର୍ଷା ଦିନେ ଏହି ପୋଲର ଅବସ୍ଥା କହିଲେ ନ ସରେ । ବର୍ଷା ଋ଼ତୁରେ କାକବନ୍ଧା ଗାଁ ଅନ୍ୟ ଅଞ୍ଚଳରୁ ବିଚ୍ଛିନ୍ନ ପାଲଟି ଯାଏ। ନା ଛାତ୍ରଛାତ୍ରୀ ସ୍କୁଲ ଯାଇ ପାରନ୍ତି, ନା କୌଣସି କୌଣସି ସରକାରୀ ଅଧିକାରୀ ଗାଁକୁ ଆସିପାରନ୍ତି। &nbsp;ତେବେ ଦୀର୍ଘ ଦିନରୁ ପ୍ରଶାସନ ପାଖକୁ ଦୌଡ଼ି ଦୌଡ଼ି ନୟାନ୍ତ ହେଲେଣି ଗ୍ରାମବାସୀ। &nbsp;ନଦୀ ଉପରେ ପୋଲ ପାଇଁ ଦାବି କରିଥିଲେ ବି ଫଳ ଶୂନ। &nbsp;ସେପଟେ ରାଜସ୍ୱ ବିଭାଗକୁ ଏନେଇ ପ୍ରସ୍ତାବ ଦିଆଯାଇଛି । ଖୁବ୍ ଶୀଘ୍ର ପୋଲ ନିର୍ମାଣ ହେବ ବୋଲି ପ୍ରତିକ୍ରିୟା ଦେଇଛନ୍ତି ନୂଆଗଡ଼ ବିଡିଓ।</p>