୮ ବର୍ଷ ପରେ ଧରାପଡ଼ିଲା ଏସିଡ୍‌ ଆକ୍ରମଣକାରୀ: ଏକପାଖିଆ ପ୍ରେମକୁ ନେଇ ଘଟିଥିଲା ଏମିତି କାଣ୍ଡ

<p>ଜଗତସିଂହପୁର: ଜଗତସିଂହପୁରରେ ବହୁଚର୍ଚ୍ଚିତ ପ୍ରମୋଦିନୀ ରାଉଳଙ୍କୁ ଏସିଡ୍ ମାଡ଼ ଘଟଣାର ଦୀର୍ଘ ୮ ବର୍ଷ ପରେ ପୋଲିସ ୨ ଜଣଙ୍କୁ ଗିରଫ କରିଛି। ମୁଖ୍ୟ ଅଭିଯୁକ୍ତ ହେଲେ ଆର୍ମି ଯବାନ ସନ୍ତୋଷ କୁମାର ବେଦାନ୍ତ ଓ ଅନ୍ୟତମ ଅଭିଯୁକ୍ତ ବିଶ୍ୱଜିତ୍ ଦଳସିଂରାୟ। ସନ୍ତୋଷଙ୍କୁ କୋଲକାତାରୁ ଜଗତସିଂହପୁର ପୋଲିସ ଗିରଫ କରିଛି।&nbsp; ସେହିପରି ନୟାଗଡ଼ ଜିଲ୍ଲା ରଣପୁର ଚମ୍ପାଗଡରୁ ବିଶ୍ୱଜିତକୁ ଗିରଫ କରାଯାଇଛି।&nbsp; ସନ୍ତୋଷଙ୍କ ଘର ଭଣ୍ଡାରିପୋଖରୀ ଜରଗଡିଆ ଗାଁରେ ବୋଲି ଜଣାପଡ଼ିଛି।&nbsp;&nbsp; ସନ୍ତୋଷ ଜମ୍ମୁକାଶ୍ମୀର କୁପୱାଡାରେ କାର୍ଯ୍ୟରତ ଥିଲେ। ହେଲେ କୁପୱାଡାରେ ପୋଲିସ ପହଞ୍ଚିଥିବା ନେଇ ଜାଣିପାରି ସନ୍ତୋଷ ଫେରାର ହୋଇଯାଇଥିଲା।</p> <p>ଗିରଫ ପରେ ସନ୍ତୋଷଙ୍କୁ କୋଲକାତାରୁ ଓଡ଼ିଶାକୁ ଅଣାଯାଉଛି। ଅଧିକ ପଚରାଉଚୁରା ପାଇଁ ଅଭିଯୁକ୍ତଙ୍କୁ କୋର୍ଟରେ ହାଜର ପରେ ୫ଦିନିଆ ରିମାଣ୍ଡ ପାଇଁ ପୋଲିସ ଆବେଦନ କରିପାରେ ବୋଲି ସୂଚନା ମିଳିଛି।</p> <p>୨୦୦୯ରେ ଏକତରଫା ପ୍ରେମକୁ ନେଇ ଘଟିଥିଲା ଏହି ଏସିଡ୍ ମାଡ।&nbsp; ଏହି ମାମଲାର ସୁରାକ ନ ପାଇ ପୋଲିସ ୨୦୧୨ରେ କେସ୍ ବନ୍ଦ କରି ଦେଇଥିଲା। ତେବେ ଓଟିଭିର &lsquo;ଆଶାର ଆଲୋକ&rsquo; କାର୍ଯ୍ୟକ୍ରମରେ ଦୁଇଟି ସ୍ୱତନ୍ତ୍ର ଏପିସୋଡରେ&nbsp; ତାଙ୍କ ସମ୍ପର୍କରେ ପ୍ରସାରିତ ହେବା ପରେ ଜଗତସିଂହପୁର ଏସଡିଜେଏମ୍&zwnj; କୋର୍ଟଙ୍କ ନିର୍ଦ୍ଦେଶରେ ୨୦୧୭ ଅଗଷ୍ଟରେ ପୋଲିସ ଏହି ମାମଲାର ରି-ଅପନ୍ କରିଥିଲା।</p> <p>&amp;nbsp;</p> <p>&amp;nbsp;</p> <p>&amp;nbsp;</p>