ଭୁବନେଶ୍ୱର (ଓଡ଼ିଶା ରିପୋର୍ଟର): ରାଜଧାନୀ ଭୁବନେଶ୍ୱରରେ ଆଜି ଏକ ମର୍ମନ୍ତୁଦ ଦୁର୍ଘଟଣାରେ ୨ ଛାତ୍ରଙ୍କର ମୃତ୍ୟୁ ଘଟିଛି। ଏଥିରେ ଅନ୍ୟ ଜଣେ ଗୁରୁତର ଆହତ ହୋଇ କଟକ ବଡ଼ଡାକ୍ତରଖାନା ସ୍ଥାନାନ୍ତର ହୋଇଛନ୍ତି।
ମୃତକମାନେ ହେଲେ ଗିରିଜା ବାଗ୍ ଓ ଚନ୍ଦ୍ରାଂଶୁ ପତି ମିଶ୍ର। ଆହତ ଛାତ୍ରଙ୍କ ନାଁ ସୌମ୍ୟକେତନ ସାହୁ। ଏମାନେ ସମସ୍ତେ ଏଥର ଯୁକ୍ତ ଦୁଇ ପରୀକ୍ଷା ଦେଇଥିବା ଜଣାପଡ଼ିଛି।
ଆଜି ନୟାପଲ୍ଲୀ ଓଭରବ୍ରିଜ୍ ଦେଇ ଗିରିଜା, ଚନ୍ଦ୍ରାଂଶୁ ଓ ସୌମ୍ୟ ଏକ ବାଇକ୍ରେ ଘରକୁ ଫେରୁଥିବା ବେଳେ ଡିଭାଇଡର୍ରେ ପିଟି ହୋଇ ରାସ୍ତାର ଅପରପାର୍ଶ୍ୱକୁ ଛିଟିକି ପଡ଼ିଥିଲେ। ଏହି ସମୟରେ କଟକ ଯାଉଥିବା ଏକ ଦ୍ରୁତଗାମୀ ଟ୍ରକ୍ ସେମାନଙ୍କ ଉପରେ ଚଢ଼ି ଯାଇଥିଲା। ଘଟଣାସ୍ଥଳରେ ଗିରିଜା ଓ ଚନ୍ଦ୍ରାଂଶୁଙ୍କର ମୃତ୍ୟୁ ହୋଇଥିବା ବେଳେ ସୌମ୍ୟଙ୍କୁ ଗୁରୁତର ଅବସ୍ଥାରେ କଟକ ବଡ଼ ଡାକ୍ତରଖାନାକୁ ସ୍ଥାନାନ୍ତର କରାଯାଇଛି।
ସୂଚନାଯୋଗ୍ୟ ମୃତ ଚନ୍ଦ୍ରାଂଶୁ ପତି ମିଶ୍ର ବରିଷ୍ଠ ସାମ୍ୱାଦିକ ହିମାଂଶୁ ପତି ମିଶ୍ରଙ୍କ ଏକମାତ୍ର ପୁତ୍ର।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
