ଦୋକାନରେ ବସି ଚା’ ପିଉଥିବା ବେଳେ ଚାଲିଗଲା ଜୀବନ

ବ୍ରହ୍ମପୁର (ଅଶୋକ ବ୍ରହ୍ମା): ଦୋକାନରେ ବସି ଚା’ ପିଉଥିବା ବେଳେ ଚଡ଼କ ମାରିଲା। ଫଳରେ ଚାଲିଗଲା ୨ ଜଣଙ୍କ ଜୀବନ। ଆଜି ଏମିତି ଅଘଟଣ ଗଞ୍ଜାମ ଜିଲ୍ଲାରେ ଘଟିଛି।

ସୂଚନା ମୁତାବକ ଡେଙ୍ଗାବାଡ଼ି ଗାଁରେ ଏକ ଦୋକାନ ପିଣ୍ଡାରେ ବସି ମତାଧାରୀ ଗ୍ରାମର ସନ୍ତୋଷ ଗୌଡ଼ (୩୨), ତାକରଡ଼ାର ନୀଲାଞ୍ଚଳ ଆଲଟିଆ (୨୬) ଓ ବଳରାମ ଗୌଡ଼(୩୦) ଚା’ ପିଉଥିଲେ। ଏହି ସମୟରେ ବଜ୍ରପାତ ହେବାରୁ ଘଟଣାସ୍ଥଳରେ ସମସ୍ତେ ସଜ୍ଞା ହରାଇ ପଡ଼ିଯାଇଥିଲେ। ସ୍ଥାନୀୟ ଲୋକେ ସମସ୍ତଙ୍କୁ ଗୁରୁତର ଅବସ୍ଥାରେ ଉଦ୍ଧାର କରି ବୁଗୁଡ଼ା ମେଡିକାଲ୍‌ରେ ଭର୍ତ୍ତି କରିଥିଲେ। ସେଠାରେ ଡାକ୍ତର, ସନ୍ତୋଷ ଓ ନିଲାଞ୍ଚଳଙ୍କୁ ମୃତ ଘୋଷଣା କରିଥିଲା ବେଳେ ବଳରାମଙ୍କ ସ୍ୱାସ୍ଥ୍ୟ ଅବସ୍ଥା ଗୁରୁତର ରହିଛି।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।