ବାଲିଗୁଡ଼ା (ଅଜିତ ନାୟକ): କୋଭିଡ୍-୧୯ ଗାଇଡ୍ଲାଇନ୍କୁ ଉଲ୍ଲଘଂନ କରି କ୍ୱାରେଣ୍ଟାଇନ୍ରେ ଥିବା ଜଣେ ଯୁବତୀଙ୍କ ସହିତ ସେଲ୍ଫି ଉଠାଇଲେ ଦୁଇ ଅଧିକାରୀ। ସେମାନଙ୍କ ଭିତରୁ ଜଣେ ମାସ୍କ ପିନ୍ଧିଥିବା ବେଳେ ଅନ୍ୟ ଜଣେ ପିନ୍ଧିନଥିବା ଦେଖିବାକୁ ମିଳିଛି। ଯାହା ଏବେ ସୋଶାଲ୍ ମିଡିଆରେ ଭାଇରାଲ୍ ହୋଇଛି। ଆଜି ଏପରି ଅଭିଯୋଗ କନ୍ଧମାଳ ଜିଲ୍ଲାରୁ ଆସିଛି।
କନ୍ଧମାଳ ଜିଲ୍ଲାର କ. ନୂଆଗାଁର କ୍ୱାରେଣ୍ଟାଇନ୍ କେନ୍ଦ୍ରରେ ଜଣେ ପ୍ରବାସୀ ଯୁବତୀ ରହିଥିଲେ। ସେଠାରେ ରହଣୀ ସମୟରେ କ୍ୱାରେଣ୍ଟାଇନ୍ କେନ୍ଦ୍ର ଦାୟିତ୍ୱରେ ଥିବା ଭିଏଲଡବ୍ଲୁ ପ୍ରଶାନ୍ତ କୁମାର ବେହେରା ଓ ନୋଡାଲ୍ ଅଧିକାରୀ ନିରଞ୍ଜନ ନାୟକ ତାଙ୍କ ସହିତ ସେଲ୍ଫି ନେଇଥିଲେ। କୋଭିଡ୍-୧୯ ଗାଇଡ୍ଲାଇନ୍କୁ ଉଲ୍ଲଘଂନ କରି ଏମାନେ ଏହି ସେଲ୍ଫି ଉଠାଇ ଥିଲେ। ଯାହା ଏବେ ସୋଶାଲ୍ ମିଡ଼ିଆରେ ଭାଇରାଲ୍ ହୋଇଛି। ଏହି ଫଟୋ ଏବେ ମୋବାଇଲ୍ରୁ ମୋବାଇଲକୁ ଘୂରି ବୁଲୁଛି। ଏନେଇ ଅଭିଯୋଗ ହେବା ପରେ ଘଟଣାର ତଦନ୍ତ ହେବ ବୋଲି ସ୍ଥାନୀୟ ବିଡିଓ କହିଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
