ନାବାଳିକା ଗଣବଳାତ୍କାର ମାମଲାରେ ଦୁଇ ଗିରଫ

ସୁନ୍ଦରଗଡ଼ (ଓଡ଼ିଶା ରିପୋର୍ଟର): ସୁନ୍ଦରଗଡ଼ ଜିଲ୍ଲା ଗୁରୁଣ୍ଡିଆ ଥାନା ଅଞ୍ଚଳରେ ଏକ ଜଙ୍ଗଲରେ ନାବାଳିକା ଗଣବଳାତ୍କର ଅଭିଯୋଗରେ ପୋଲିସ ଦୁଇ ଜଣଙ୍କୁ ଗିରଫ କରିଛନ୍ତି। ସେମାନେ ଗଣବଳାତ୍କାର କରିଥିବା ସ୍ୱୀକାର କରିଥିବା ପୋଲିସ କହିଛି। ଏହି ଘଟଣାରେ ଅନ୍ୟ କେହି ସମ୍ପୃକ୍ତ ଅଛନ୍ତି ନାହିଁ ପୋଲିସ ତାହା ଉପରେ ତଦନ୍ତ ଚାଳାଇଛି।

ଅଧିକ ପଢ଼ନ୍ତୁ: ମିସ୍‌କଲରୁ ପ୍ରେମ, ପ୍ରେମ ପରେ ବଳାତ୍କାର

ଗୁରୁଣ୍ଡିଆ ଥାନା ବଡ଼ଗାଁ ଅଞ୍ଚଳର ସମରା ଓରାମ ରାଜଗାଙ୍ଗପୁର ଅଞ୍ଚଳର ଜଣେ ନାବାଳିକାଙ୍କୁ ପ୍ରେମ କରୁଥିଲେ। ତେବେ ଦୁଇ ଦିନ ତଳେ ସମରା ଫୋନ୍‌ କରି ନାବାଳିକାକୁ ଡାକିଥିଲେ। ପ୍ରେମିକ କଥାକୁ ବିଶ୍ୱାସ କରି ନାବାଳିକା ବୁଲୁଙ୍ଗାରେ ପହଞ୍ଚିଥିଲେ। ପରେ ସମରା ଓ ତା’ ସାଙ୍ଗ ନାବାଳିକାକୁ ବିଭିନ୍ନ ବାହାନା କରି କଣ୍ଟାଗାଲି ଜଙ୍ଗଲକୁ ନେଇ ଗଣବଳାତ୍କାର କରିଥିବା ଅଭିଯୋଗ ହୋଇଛି। ତେବେ ଚିତ୍କାର ଶୁଣି ସେହି ରାସ୍ତାରେ ଯାଉଥିବା ଲୋକେ ନାବାଳିକାକୁ ଉଦ୍ଧାର କରି କଣ୍ଟାପାଲି ସରପଞ୍ଚଙ୍କ ପାଖରେ ଛାଡ଼ିଥିଲେ। ଗତକାଲି ଏନେଇ ଥାନାରେ ଅଭିଯୋଗ ହେବା ପରେ ପୋଲିସ ମାମଲା ରୁଜୁ କରି ସମରା ଓ ତା’ ସାଙ୍ଗକୁ ଗିରଫ କରିଛି।