ବଜ୍ରପାତରେ ଦୁଇ ଯାଆ ମୃତ

ନାରାୟଣପାଟଣା (ପି.ଗୋବିନ୍ଦ ରାଜୁ ସୁବୁଦ୍ଧି): କୋରାପୁଟ ଜିଲ୍ଲା ଲଙ୍ଗଳବେଡ଼ା ପଞ୍ଚାୟତର ଚିନାକିମିଡ଼ିଭଦ୍ରା ଗାଁରେ ବଜ୍ରପାତରେ ଦୁଇ ମହିଳାଙ୍କ ମୃତ୍ୟୁ ଘଟିଛି। ସଂପର୍କରେ ଏ ଦୁଇ ଜଣ ଯାଆ ହେବେ। ସେମାନେ ହେଲେ ରାଧା (୨୫) ଓ ସୁନୀତା।

ଏହି ଘଟଣାରେ ଏକ ତିନି ମାସର ଶିଶୁପୁତ୍ର ସହିତ ଆଉ ଦୁଇ ଜଣ ମହିଳା ଗୁରୁତର ଆହତ ହୋଇଛନ୍ତି।

ଏମାନେ ସମସ୍ତେ ଗତକାଲି  ସନ୍ଧ୍ୟାରେ  ଚାଷ ଜମିରୁ  କାମ ସାରି  ଘରକୁ ଫେରୁଥିବା ବେଳେ ବଜ୍ରପାତ ହୋଇଥିଲା। ଘଟଣାସ୍ଥଳରେ ହିଁ  ରାଧା ଓ ସୁନୀତାଙ୍କ ମୃତ୍ୟୁ ଘଟିଥିଲା।

ଏହି ଗାଁ ଆନ୍ଧ୍ର ସୀମାନ୍ତକୁ ଲାଗି ରହିଥିବାରୁ ଗୁରୁତର ମାନଙ୍କୁ ପାର୍ବତୀପୁରମ୍‌ ଚିକିତ୍ସାଳୟରେ ଭର୍ତ୍ତି କରାଯାଇଛି।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।