ଅନୁଗୁଳରେ ଅଭାବନୀୟ ଘଟଣା, ଖେଳୁ ଖେଳୁ ୪୦ ଫୁଟ୍‌ ଗାତକୁ ଖସିପଡ଼ିଲା ଶିଶୁ କନ୍ୟା, ୮ ଘଣ୍ଟା ଧରି ଜୀବନ ସହ ସଂଘର୍ଷ

<p>ଅନୁଗୁଳ, (ଓଡ଼ିଶା ରିପୋର୍ଟର): ଅନୁଗୁଳରେ ଅଭାବନୀୟ ଘଟଣା। ଖେଳୁ ଖେଳୁ ଗାତ ଭିତରକୁ ଖସିପଡ଼ିଲା ଶିଶୁକନ୍ୟା &nbsp;। ଅନୁଗୁଳ ହଣ୍ଡପା ଥାନା ଗୁଲାସର ଗାଁରେ ଘଟିଛି ଏହି ଅଘଟଣ। &nbsp;ଝିଅଟିକୁ ଅଢେଇ ବର୍ଷ ହୋଇଥିବା ବେଳେ ନାଁ ତାର ରାଧା ସାହୁ ବୋଲି ଜଣାପଡ଼ିଛି। ଶିଶୁ କନ୍ୟାଟି ବୋରୱେଲ ଗାତରେ ଖସିପଡ଼ିଥିବା ସୂଚନା ମିଳିଛି।</p> <p>ଆଜି ସକାଳେ ୮ଟାରୁ ୮ଟା ୩୦ ଭିତରେ ଏହି ଘଟଣା ଘଟିଛି। ଖବର ପାଇ ସ୍ଥାନୀୟ ପ୍ରଶାସନ ପହଞ୍ଚିଛି। ଉଦ୍ଧାର ପାଇଁ ଆବଶ୍ୟକୀୟ ସରଞ୍ଜାମ ନ ଥିବାରୁ ଓଡ୍ରାଫ୍ ଟିମକୁ ଖବର ଦିଆଯାଇଥିବା ଅତିରିକ୍ତ ଜିଲ୍ଲାପାଳ ସୂଚନା ଦେଇଛନ୍ତି। ତେବେ ଶିଶୁଟିକୁ ଉଦ୍ଧାର ପାଇଁ ଉଦ୍ୟମ ଜାରି ରହିଥିବା ସେ କହିଛନ୍ତି। &nbsp;ଘଟଣାସ୍ଥଳରେ ଦୁଇଟି ଜେସିବି ମୁତୟନ ହୋଇଛି। ସେହିପରି ଦମକଳବାହିନୀ ମଧ୍ୟ ପହଞ୍ଚିଛି। ଗାତଟିର ଗଭୀର ୨୦୦ ଫୁଟ କୁହାଯାଉଥିବା ବେଳେ ପିଲାଟି ୪୦ ଫୁଟରେ ଲଟକି ରହିଥିବା ଅନୁମାନ କରାଯାଉଛି। ପିଲାଟି ୮ ଘଣ୍ଟା ଧରି ଜୀବନ ସହ ସଂଘର୍ଷ କରୁଛି।</p> <p>ଦେଖନ୍ତୁ ଉଦ୍ଧାର କାର୍ଯ୍ୟ।</p>