ଅନୁଗୋଳ (ଓଡ଼ିଶା ରିପୋର୍ଟର): ଅନ୍ଧବିଶ୍ୱାସର ଅନ୍ଧ ଗଳିରେ ବିଧାୟକ। ସର୍ବ ସମ୍ମୁଖରେ ଚାଲିଲା ଅନ୍ଧ ବିଶ୍ୱାସର ଖୋଲା ନାଟକ। ଅନୁଗୋଳ ଜିଲ୍ଲା ଆଠମଲ୍ଲିକ ଆମ୍ବସରମୁଣ୍ଡା ଗାଁରୁ ଏମିତି ଚିତ୍ର ଆସିଛି। ଯେଉଁଠି ସ୍ଥାନୀୟଲୋକଙ୍କ ଦ୍ୱାରା ସାମ୍ବଦଶମୀ ପୂଜାରେ ଆଠମଲ୍ଲିକର ବିଜେଡି ବିଧାୟକ ରମେଶ ସାଏଙ୍କ ଏଭଳି ଅଜବ୍ ଆଚରଣ ଦେଖିବାକୁ ମିଳିଥିଲା ।
ଗାଁର ଗୋଣ୍ଡ ସମାଜ ପକ୍ଷରୁ ଆଜି କଳସ ଯାତ୍ରା କରାଯାଇଥିଲା । ଆଉ ଠିକ୍ ଏହି ସମୟରେ ବିଧାୟକ ରାସ୍ତା ଉପରେ ଛିଡ଼ା ହୋଇ ଥରିବାକୁ ଲାଗିଥିଲେ। କଳସ ଯାତ୍ରା ସାରି ପୂଜା ମଣ୍ଡପ କୁ ଆସୁଥିବା ବେଳେ ହଠାତ ବିଧାୟକ ଥରି ଉଠିବା ସହ ଦୋହଲିବା ଦେଖିବାକୁ ମିଳିଥିଲା ।
ବିଧାୟକ ହାତରେ ଖଣ୍ଡା ଧରି ନୃତ୍ୟୁ କରୁଥିବା ସହ ତାଙ୍କୁ ଲୋକେ ପୂଜା କରୁଥିବା ଦେଖିବାକୁ ମିଳିଛି । ଏମିତି ଲାଗୁଥିଲା ସତେ ଯେପରି ତାଙ୍କୁ କାଳିସୀ ଲାଗିଛି। ଘଟଣା ପରେ ଲୋକେ ତାଙ୍କୁ ପୂଜା କରିବାକୁ ଲାଗିଥିଲେ।
https://youtu.be/7nzZXxZiSfc
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
