କିଏ ଏହି ଡାକ୍ତର ବାବୁ? ଯାହାଙ୍କୁ ପାଖରେ ପାଇ ବୃଦ୍ଧାଙ୍କ ଆଖିରେ ଲୁହ ଆସିଗଲା

ଭଦ୍ରକ (ଓଡ଼ିଶା ରିପୋର୍ଟର): କୁହାଯାଏ ମଧୁର ସଂପର୍କଠୁ ବଳି ଆଉ କୌଣସି ଜିନିଷ ବଡ଼ ନୁହେଁ । ଯାହାକି ମଣିଷକୁ ମର୍ତ୍ତରେ ବି ସ୍ୱର୍ଗୀୟ ଆନନ୍ଦ ଦେଇଥାଏ । ମନରେ ଏକ ଅପୂର୍ବ ଖୁସି ଖେଳିଯାଏ । ଏମିତି ଏକ ମଧୁର ଓ ଅଭୁଲା ସଂପର୍କକୁ ଦେଖିବାକୁ ମିଳିଛି । ଯାହା ସଦ୍ୟ ସୋଶାଲ ମିଡିଆରେ ଭାଇରାଲ୍‌ ହୋଇଛି ।

ଜଣେ ଡାକ୍ତର ଓ ଜଣେ ରୋଗୀଙ୍କ ସୁସଂପର୍କକୁ ଚର୍ଚ୍ଚା ଚାଲିଛି । ଚିକିତ୍ସା କରିଥିବା ଡାକ୍ତରଙ୍କୁ ଚାରି ବର୍ଷ ପରେ ଦେଖି ଖୁସିରେ ବିଭୋର ହୋଇଛନ୍ତି ଏହି ବୃଦ୍ଧା ରୋଗୀ ଜଣକ । ମେଡିକାଲରେ ଡାକ୍ତରଙ୍କୁ ଆଲିଙ୍ଗନ କରିବା ସହ ଆଶୀର୍ବାଦ ମଧ୍ୟ ଦେଇଛନ୍ତି।

ସୂଚନା ଯେ, ସୋଶାଲ୍ ମିଡିଆରେ ଭାଇରାଲ ହୋଇଥିବା ଏହି ଭିଡିଓ ହେଉଛି ଭଦ୍ରକ ଅଞ୍ଚଳର।  ଚରମ୍ପା ଅଞ୍ଚଳର ଜଣେ ବୃଦ୍ଧା ଚାରିବର୍ଷ ତଳେ ଅସ୍ଥିଶଲ୍ୟ ରୋଗରେ ପୀଡିତ ହୋଇଥିଲେ । ପରେ ଭଦ୍ରକ ମେଡିକାଲର ଅସ୍ଥିଶଲ୍ୟ ବିଭାଗର ଡାକ୍ତର ଆର୍ଯ୍ୟ ମିଶ୍ରଙ୍କ ନିକଟରେ ଚିକିତ୍ସିତ ହୋଇ ସଂପୂର୍ଣ୍ଣ ସୁସ୍ଥ ହୋଇଯାଇଥିଲେ । ଦୀର୍ଘ ଚାରିବର୍ଷ ପରେ ବୃଦ୍ଧା ଯେତେବେଳେ ଡାକ୍ତରଙ୍କୁ ଭେଟିଲେ ଖୁସିରେ ଆତ୍ମ ବିଭୋର ହୋଇଥିଲେ ।