ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>ବରଗଡ଼, (ଦୀପକ ଶର୍ମା): ଦାଣ୍ଡ ମଝିରେ ୭୫ ବର୍ଷୀୟ ବୃଦ୍ଧାଙ୍କୁ ଆଉ ଜଣେ ମହିଳା ଘୋଷାଡ଼ି ନେଉଛନ୍ତି। ବୁଦ୍ଧା ଜଣଙ୍କ ବିକଳରେ ମରି ଗଲି ମରି ଗଲି ବୋଲି ଚିତ୍କାର ଛାଡ଼ୁଛନ୍ତି। ତାଙ୍କୁ ଛାଡ଼ି ଦେବା ପାଇଁ ବିକଳରେ ଘୋଷାଡ଼ି ନେଉଥିବା ମହିଳାଙ୍କ ଗୋଡ଼ ଧରି ପକାଉଛନ୍ତି। ମଝିରେ ମଝିରେ ଶାଢ଼ି ମଧ୍ୟ ଧରି ପକାଉଛନ୍ତି। ଏହି ଦୃଶ୍ୟର ଭିଡ଼ିଓଟି ସୋସିଆଲ ମିଡ଼ିଆରେ ଏବେ ଭାଇରାଲ ହେଉଛି। ଏହି ଭିଡ଼ିଓଟି ଭାଇରାଲ ହେବାପରେ ବେଶ୍‌ ଚର୍ଚ୍ଚିତ ହୋଇ ଉଠିଛି। ଏହି ଭାଇରାଲ ଭିଡ଼ିଓ ବରଗଡ଼ ଜିଲ୍ଲା ଗାଇସିଲଟ ବ୍ଲକ୍‌ ତାଳପାଲି ଗାଁର।</p> <p>ବୃଦ୍ଧା ମହିଳାଙ୍କ ନିଜ ବୋହୂ ଏପରି ଅଭାବନୀୟ କାଣ୍ଡ ଘଟାଇଥିବା ଜଣାପଡ଼ିଛି। ହେଲେ ଏହି ଦୃଶ୍ୟ ଦେଖୁଥିବା ଛୋଟ ପିଲାଙ୍କ ଠାରୁ ବଡ଼ ପର୍ଯ୍ୟନ୍ତ କେହି ବି ବିରୋଧ କରୁ ନାହାନ୍ତି। ଏନେଇ ବୃଦ୍ଧା ଜଣଙ୍କ ଗାଇସିଲଟ ଥାନାରେ ଅଭିଯୋଗ କରିବା ପରେ ପୋଲିସ ବୋହୂକୁ ଗିରଫ କରିଛି। ଅଭିଯୁକ୍ତ ବୋହୂଙ୍କ ନାଁ ବାଳମତି ସାହୁ। ତାଙ୍କୁ ଆଜି କୋର୍ଟ ଚାଲାଣ କରାଯିବ।</p> <p>ଗତକାଲି ସକାଳେ ଶାଶୂ ପଦ୍ମାବତୀ ଓ ବୋହୂ ବାଳମତିଙ୍କ ମଧ୍ୟରେ ଜମିଜମା ପ୍ରସଙ୍ଗକୁ କେନ୍ଦ୍ର କରି ଝଗଡ଼ା ହୋଇଥିଲା। ଏଥିରେ ବୋହୂ ରାଗି ଯାଇ ନିଜ ଶାଶୂକୁ ଗାଁ ଦାଣ୍ଡରେ ଘୋଷାଡ଼ି ଘୋଷାଡ଼ି ନେଇଥିଲା। ବୃଦ୍ଧା ମହିଳା ଜଣଙ୍କ ବିକଳରେ ଛାଟି ପିଟି ହେଉଥିଲେ ଓ ମରି ଗଲି ମରି ଗଲି ବୋଲି ପାଟି କରୁଥିଲେ। ପାରିବାରିକ କହଳ ହୋଇଥିବାରୁ ବାହାର ଲୋକ ଏଥିରେ କେହି ମୁଣ୍ଡ ଖେଳାଇ ନ ଥିଲେ।</p> <p>ଏହି ଦୃଶ୍ୟଟି ଦେଖିଲା ପରେ ମନେ ହେଉଛି ବୋହୂଟି ତାର ମାନବିକତାର ସମସ୍ତ ସୀମା ଟିପି ଯାଇଛି।</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
