ଗୁପ୍‌ଚୁପ୍ ଖାଉ ଖାଉ ଚାଲିଗଲା ମହିଳାଙ୍କ ଜୀବନ

ସୁନ୍ଦରଗଡ଼ (ବିଜୟ ବରୁଆ): ପରିବାର ସହ ବସି ଗୁପ୍‌ଚୁପ୍ ଖାଉ ଖାଉ ଶ୍ୱାସରୁଦ୍ଧ ହୋଇ ଜୀବନ ହାରିଲେ ମହିଳା। ଏଭଳି ଏକ ଦୁଃଖଦ ଘଟଣା ଘଟିଛି ସୁନ୍ଦରଗଡ଼ ଜିଲ୍ଲା ଲେଫ୍ରିପଡ଼ା ଥାନା ସରଫଗଡ଼ ଗାଁରେ। ମୃତକ ହେଲେ ଫୁଲମତି କିସାନ।

ଗତକାଲି ଘରେ ପରିବାର ସଦସ୍ୟଙ୍କ ସହ ବସି ଫୁଲମତି ଗୁପ୍‌ଚୁପ୍ ଖାଉଥିଲେ। ଏହି  ସମୟରେ ଏକ ଗୁପଚୁପର କିଛି ଅଂଶ ତାଙ୍କ ତଣ୍ଟିରେ ଲାଗି ଯାଇଥିଲା। ପରିବାର ଲୋକଙ୍କ ଚେଷ୍ଟା ସତ୍ତ୍ୱେ ତାହା ନ ବାହାରିବାରୁ ତୁରନ୍ତ ତାଙ୍କୁ ଲେଫ୍ରିପଡ଼ା ମେଡିକାଲରେ ଭର୍ତ୍ତି କରାଯାଇଥିଲା। ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ।

ତେବେ ଖାଇବା ବେଳେ ଶ୍ୱାସନଳୀରେ ଗୁପଚୁପ୍ ଫସି ଯିବା ଯୋଗୁ ଶ୍ୱାସରୁଦ୍ଧ ହୋଇ ମୃତ୍ୟୁ ହୋଇଥାଇପାରେ ବୋଲି ସିଡିଏମ୍ଓ ଆଶଙ୍କା କରିଛନ୍ତି।  ଶବ ବ୍ୟବଚ୍ଛେଦ ପରେ ପ୍ରକୃତ କାରଣ ଜଣାପଡ଼ିବ ବୋଲି ସେ କହିଛନ୍ତି।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।