ମାଲମାନଗିରି(ଜିତେନ୍ଦ୍ର ବେଉରା): ଝିଙ୍କ ଶିକାର କରିବାକୁ ଗୁମ୍ଫା ଭିତରକୁ ପଶିଥିବା ଜଣେ ଯୁବକ ଆଜି ପ୍ରାଣ ହରାଇଛନ୍ତି। ତେବେ ତାଙ୍କ ସହିତ ଯାଇଥିବା ଅନ୍ୟ ଜଣେ ଗୁରୁତର ଅସୁସ୍ଥ ହୋଇଛନ୍ତି। ଆଜି ଏପରି ଘଟଣା ମାଲକାନଗିରି ଜିଲ୍ଲାରେ ଘଟିଛି।
ପୂରା ଘଟଣା ଏମିତି। ଝରାପାଲି ଗାଁର ୫ ଜଣ ଯୁବକ ପାହାଡ଼ ଉପରକୁ ଝିଙ୍କ ଶିକାର କରିବାକୁ ଯାଇଥିଲେ। ଗୋଟିଏ ଗୁମ୍ଫାରେ ଝିଙ୍କ ଥିବା ଅନୁମାନ କରି ଶିକାରୀମାନେ ଧୂଆଁ ଦେଇଥିଲେ। ମାତ୍ର ଝିଙ୍କ ବାହାରକୁ ଆସିନଥିଲା। ପରେ ରାମଚନ୍ଦ୍ର ମାଢ଼ି ଓ ସିଙ୍ଗା ମାଢ଼ି ପୁଣି ଥରେ ଧୂଆଁ ଦେବାକୁ ଗୁମ୍ଫା ଭିତରକୁ ଯାଇଥିଲେ। ଦୀର୍ଘ ସମୟ ଧରି ଦୁହେଁ ବାହାରକୁ ଆସିନଥିଲେ। ଫଳରେ ଗୁମ୍ଫା ବାହାରେ ଅପେକ୍ଷା କରିଥିବା ସାଥୀମାନେ ଗୁମ୍ଫା ଭିତରକୁ ଯାଇ ଦେଖିଲା ବେଳକୁ ରାମଚନ୍ଦ୍ର ମାଢ଼ିଙ୍କର ମୃତ୍ୟୁ ଘଟିଥିବା ବେଳେ ସିଙ୍ଗା ଚେତା ହରାଇ ପଡ଼ିଛନ୍ତି। ସେମାନେ ସିଙ୍ଗାଙ୍କୁ ଉଦ୍ଧାର କରି ହସ୍ପିଟାଲରେ ଭର୍ତ୍ତି କରିଥିଲେ। ସେଠାରେ ଚିକିତ୍ସା ପରେ ତାଙ୍କର ସ୍ୱାସ୍ଥ୍ୟ ଅବସ୍ଥାରେ ସାମାନ୍ୟ ଉନ୍ନତି ଘଟିଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
