ଭୁବନେଶ୍ୱର:(ଓଡ଼ିଶା ରିପୋର୍ଟର): ଯୁବତୀଙ୍କୁ କରୋନା କହି କମେଣ୍ଟ ମାରିବା ମହଙ୍ଗା ପଡ଼ିଲା। କମେଣ୍ଟ ମାରିଥିବା ଯୁବକଙ୍କୁ ନିସ୍ତୁକ ପିଟିଲେ ଲୋକେ । ସିସିଟିଭିରେ କଏଦ୍ ହେଲା ଏହି ସମୟର ଦୃଶ୍ୟ। ଘଟଣା ଘଟିଛି ଭୁବନେଶ୍ୱର କଳ୍ପନା ଛକ ସ୍ଥିତ ଏକ ପେଟ୍ରୋଲ ପମ୍ପରେ।
ଗତକାଲି ରାତିରେ ତିନିଜଣ ଯୁବକ ପେଟ୍ରୋଲ ପମ୍ପରେ ଠିଆ ହୋଇଥିବାବେଳେ ତେଲ ପକାଇବାକୁ ଆସିଥିବା ୩ ଜଣ ଯୁବତୀଙ୍କୁ କରୋନା କହି କମେଣ୍ଟ କରିଥିଲେ। ଯୁବତୀମାନେ ଏହାକୁ ପ୍ରତିବାଦ କରିବାରୁ ଯୁବକମାନେ ସେମାନଙ୍କୁ ଗାଳିଗୁଲଜ କରିଥିଲେ।
କିଛି ଲୋକେ ଏହା ଦେଖି କମେଣ୍ଟ ମାରିଥିବା ଯୁବକଙ୍କୁ ନିସ୍ତୁକ ପିଟିଥିଲେ। ମାଡ଼ ଏମିତି ହୋଇଥିଲା ଯେ, ସେମାନଙ୍କ ଚେହେରା ବଦଳି ଯାଇଛି । ଏହି ଘଟଣାରେ ତିନୋଟି ମାମଲା ରୁଜୁ ହୋଇଛି। ଯୁବତୀ ଓ ପେଟ୍ରୋଲ ଟାଙ୍କି ତରଫରୁ ମାମଲା ହୋଇଥିବାବେଳେ ଯେଉଁ ବ୍ୟକ୍ତିମାନେ କମେଣ୍ଟ ମାରି ମାଡ଼ ଖାଇଥିଲେ, ସେମାନଙ୍କ ତରଫରୁ ବି ମାମଲା ଦିଆଯାଇଛି।