ଅମୃତସର: ପଞ୍ଜାବର ମୋହମପୁରା ଗାଁରେ ରହନ୍ତି ସୂରଜ କୁମାର। ଏବେ ସେ ଭାରି ଚିନ୍ତାରେ ଅଛନ୍ତି। ତାଙ୍କ ଚିନ୍ତାର କାରଣ ତାଙ୍କର ୮ ମାସର ଶିଶୁ। ତା’ ନାଁ ଚାହତ। ଚାହତର ବୟସ ସିନା ୮ ମାସ, କିନ୍ତୁ ଓଜନ ୨୦ କେଜି। ପୁଣି ଛୁଆଟିକୁ ବହୁତ ଭୋକ ହେଉଛି। ଗୋଟିଏ ଆଠ ମାସର ଶିଶୁକୁ ଯେତିକି ଭୋକ ହେବା କଥା ତା’ର ଚାରିଗୁଣା ଭୋକ ଚାହତକୁ ହେଉଛି। ତେଣୁ ତା’ର ଖାଇବାକୁ ନେଇ ବି ପରିବାର ଲୋକେ ଚିନ୍ତାରେ ଅଛନ୍ତି। ଖାଇବାକୁ ନମିଳିଲେ ସେ କାନ୍ଦି କାନ୍ଦି ଗଡ଼ି ଯାଉଛି ଓ ଚିତ୍କାର କରୁଛି।
ଚାହତର ଚର୍ମ ମଧ୍ୟ ଟାଣ ହୋଇଗଲାଣି। ଏତେ ଟାଣ ଯେ ତା’ଠାରୁ ରକ୍ତ ନମୂନା ନେବା ମଧ୍ୟ କଷ୍ଟକର ହୋଇପଡୁଛି। ପରୀକ୍ଷାନିରୀକ୍ଷା ପରେ ମଧ୍ୟ ସ୍ଥାନୀୟ ଡାକ୍ତରମାନେ ଚାହତ ଠାରେ ଦେଖାଯାଇଥିବା ଏହି ସବୁ ବିଶୃଙ୍ଖଳାର କାରଣ ଜାଣିପାରୁ ନାହାନ୍ତି। ଅନ୍ୟପକ୍ଷରେ ବଡ଼ ଡାକ୍ତରଖାନାରେ ନେଇ ତାକୁ ଦେଖାଇବାକୁ ପରିବାର ଲୋକଙ୍କ ପାଖରେ ସମ୍ବଳ ନାହିଁ। ତେଣୁ ସେମାନେ ବଡ଼ ଚିନ୍ତାରେ ଅଛନ୍ତି।
ଜନ୍ମ ସମୟରେ ଚାହତର ଓଜନ ସାମାନ୍ୟ ଥିଲା। କିନ୍ତୁ କିଛି ସମୟ ପରେ ତାର ଓଜନ ହଠାତ ବଢ଼ି ଚାଲିଲା।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
