ଭୁବନେଶ୍ୱର: ଓଡିଆ ଚଳଚିତ୍ର ଓ ନାଟକ କ୍ଷେତ୍ରରେ ଜୀବନ ବ୍ୟାପି ଅବଦାନ ପାଇଁ ବରିଷ୍ଠ ଚଳଚିତ୍ର ଅଭିନେତା ତଥା ନାଟ୍ୟ ନିର୍ଦେଶକ ଅଜିତ ଦାସ ପାଇଲେ ବାଣୀଚିତ୍ର ସମ୍ମାନ-୨୦୧୫। ଏହା ସହିତ ଅଭିନେତା ପ୍ରଦ୍ୟୁମ୍ନ ଲେଙ୍କ।ଙ୍କୁ ମିଳିଲା ଧୀରେନ୍ଦ୍ରନାଥ ବିଶ୍ୱାଳ ସମ୍ମାନ। ରବିବାର ଭୁବନେଶ୍ୱର ରବିନ୍ଦ୍ରମଣ୍ଡପରେ ଚଳଚିତ୍ର ପତ୍ରିକା ’ବାଣୀଚିତ୍ର’ର ୪୭ତମ ବାର୍ଷିକ ଉତ୍ସବରେ ମୁଖ୍ୟଅତିଥି ଭାବେ ପୂର୍ବତନ ମନ୍ତ୍ରୀ ପ୍ରଫୁଲ୍ଲ ଘଡେଇ ଓ ସମ୍ମାନିତ ଅତିଥି ଭାବେ ଓଏଫଡିସିର ଅଧ୍ୟକ୍ଷ ମୁନା ଖାଁ ଯୋଗଦେଇ ଏହି ସମ୍ମାନ ପ୍ରଦାନ କରିଥିଲେ। ଏହା ସହିତ ମଂଚ, ଯାତ୍ରା,ସାହିତ୍ୟ ଓ ସମାଜସେବା କ୍ଷେତ୍ରରେ ୯ଜଣ ବ୍ୟକ୍ତିଙ୍କୁ ସ୍ୱତନ୍ତ୍ର ସମ୍ମାନ ପ୍ରଦାନ କରାଯାଇଥିଲା। ଏଥିସହ ୨୦୧୪ ମସିହାରେ ମୁକ୍ତିଲାଭ କରିଥିବା ଫିଲ୍ମଗୁଡ଼ିକୁ ନେଇ ଚଳଚିତ୍ର ସମ୍ମାନ ପ୍ରଦାନ କରାଯାଇଥିଲା। ଏଥିରେ ଶ୍ରେଷ୍ଠ ଚଳଚ୍ଚିତ୍ର ଭାବେ ‘ଆମେ ତ ଟୋକା ଷଣ୍ଡ ମାର୍କା’କୁ ପୁରସ୍କୃତ କରାଯାଇଥିଲା। ସେହିଭଳି ଶ୍ରେଷ୍ଠ ଅଭିନେତା ଭାବେ ପପୁ ପମପମ, ଶ୍ରେଷ୍ଠ ଅଭିନେତ୍ରୀ ଭାବେ କୋଏଲ ମିଶ୍ର, ଲୋକପ୍ରିୟ ଅଭିନେତା ଓ ଅଭିନେତ୍ରୀ ଭାବେ ଯଥାକ୍ରମେ ସବ୍ୟସାଚୀ ମିଶ୍ର ଓ ଅଭିନେତ୍ରୀ ଅର୍ଚ୍ଚିତାଙ୍କ ସହିତ ୩୬ଟି ବିଭିନ୍ନ ବିଭାଗରେ ଚଳଚିତ୍ର ସମ୍ମାନ ପ୍ରଦାନ କରାଯାଇଥିଲା। ଏହି ଅବସରରେ ବିଭିନ୍ନ ସାଂସ୍କୃତିକ କାର୍ଯ୍ୟକ୍ରମ ପରିବେଷଣ ହୋଇଥିଲା।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
