ନୂଆଦିଲ୍ଲୀ: ଆଇପିଏଲ୍ ଘୋଟାଲା ନେଇ ସୁପ୍ରିମକୋର୍ଟଙ୍କ ଦ୍ୱାରା ଗଠିତ ତିନି ଜଣିଆ ବିଚାରପତି କମିଟି ନିଷ୍ପତ୍ତି ନେଇଛନ୍ତି ଯେ ଆଇପିଏଲର ତତକାଳୀନ ସିଓଓ ସୁନ୍ଦର ରମଣଙ୍କ ବିରୁଦ୍ଧରେ ତଦନ୍ତ ଆଗକୁ ଜାରି ରହିବ।
ସେହପରି ସିବିଆଇର ଏସପି ତଥା ଟୁଜି ଘୋଟାଲର ତଦନ୍ତକାରୀ ଅଧିକାରୀ ବିବେକ ପ୍ରିୟଦର୍ଶୀଙ୍କୁ ଏହି ତଦନ୍ତ ଦାୟିତ୍ୱ ଦେବା ନେଇ ତିନି ଜଣିଆ ବିଚାରପତି କମିଟି କରିଥିବା ଅନୁରୋଧକୁ ସୁପ୍ରିମକୋର୍ଟ ଗ୍ରହଣ କରି ନେଇଛନ୍ତି। ଏହା ସହିତ ଏହି ତଦନ୍ତ କରିବା ପାଇଁ ସିବିଆଇ ଏସପି ବିବେକ ପ୍ରିୟଦର୍ଶୀଙ୍କୁ ତୁରନ୍ତ ଅନ୍ୟାନ୍ୟ ଦାୟିତ୍ୱରୁ ମୁକ୍ତ କରିବା ପାଇଁ ସୁପ୍ରିମକୋର୍ଟ ସିବିଆଇକୁ ନିଦେ୍ର୍ଧଶ ଦେଇଛନ୍ତି।
୨୦୧୩ ଆଇପିଏଲରେ ବେଟିଂ କରି ଦୋଷୀ ସାବ୍ୟସ୍ତ ହୋଇଥିବା ଜେନାଇ ସୁପର କିଙ୍ଗସ ଓ ଏହାର ଅଧିକାରୀ ଗୁରୁନାଥ ମୟାପ୍ପାନ ଏବଂ ରାଜସ୍ଥାନ ରୟାଲ୍ସ ଓ ରାଜ କୁନ୍ଦ୍ରାଙ୍କ ବିରୁଦ୍ଧରେ ଦଣ୍ଡ ନିର୍ଣ୍ଣୟ କରିବା ପାଇଁ ସୁପ୍ରିମକୋର୍ଟ ଏହି ତିନି ଜଣିଆ ବିଚାରପତି କମିଟିକୁୁ ନିର୍ଦେଶ ଦେଇଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
