ନୂଆଦିଲ୍ଲୀ: ‘ଖେଲୋ ଇଣ୍ଡିଆ’ ସ୍କୁଲ୍ ଗେମ୍ସର ସଫଳ ସଞ୍ଚାଳନ ପରେ ଭାରତୀୟ ଖେଳ ପ୍ରାଧିକରଣ ଖେଳର ବିକାଶ ଦିଗରେ ଆଉ ଏକ ଉଲ୍ଲେଖନୀୟ ପଦକ୍ଷେପ ଗ୍ରହଣ କରିଛନ୍ତି। ଖେଲୋ ଇଣ୍ଡିଆ ପ୍ରତିଭା ଚିହ୍ନଟ ବିକାଶ ଯୋଜନା ମାଧ୍ୟମରେ ଛାତ୍ରବୃତ୍ତି କାର୍ଯ୍ୟକ୍ରମ ପାଇଁ ୭୩୪ ଖେଳାଳିଙ୍କୁ ଚୟନ କରାଯାଇଛି। ପ୍ରତି ଖେଳାଳିଙ୍କୁ ବାର୍ଷିକ ୧.୨ ଲକ୍ଷ ଟଙ୍କା ସହାୟତା ରାଶି ଦିଆଯିବ। ଏହି ଅର୍ଥକୁ ଖେଳାଳିମାନେ ଖେଳ ପାଇଁ ଆବଶ୍ୟକ ଆନୁଷଙ୍ଗିକ ଖର୍ଚ୍ଚ, ସ୍ୱାସ୍ଥ୍ୟ ସୁରକ୍ଷା ଏବଂ ଅନ୍ୟାନ୍ୟ ବ୍ୟକ୍ତିଗତ ଆବଶ୍ୟକତା ପାଇଁ ଖର୍ଚ୍ଚ କରିପାରିବେ।
କେନ୍ଦ୍ର ଯୁବବ୍ୟାପାର ଏବଂ କ୍ରୀଡ଼ାମନ୍ତ୍ରୀ କର୍ଣ୍ଣେଲ୍ ରାଜ୍ୟବର୍ଦ୍ଧନ ସିଂହ ରାଠୋର କହିଛନ୍ତି, ପ୍ରତିଭା ଚିହ୍ନଟ ଏବେ ଆଉ ଏକ ସ୍ଳୋଗାନ୍ ହୋଇ ରହିନାହିଁ ବରଂ ଏହା ଏବେ ଆମର କାର୍ଯ୍ୟଧାରାରେ ମଧ୍ୟ ପ୍ରତିଫଳିତ ହୋଇଛି। ସେ ଆହୁରି ମଧ୍ୟ କହିଛନ୍ତି ଯେ, ‘ଆମେ ଏକ ଏପରି ଖେଳ ପ୍ରଣାଳୀର ବିକାଶ କରୁଛୁ, ଯାହାକି ସ୍ଥାନୀୟ ସମ୍ଭାବନାକୁ ବିଶ୍ୱସ୍ତରୀୟ ମଞ୍ଚ ସହିତ ଯୋଡ଼ିବ।
ଅର୍ଜୁନ ଏବଂ ଦ୍ରୋଣାଚାର୍ଯ୍ୟ ପୁରସ୍କାର ବିଜେତାମାନଙ୍କୁ ନେଇ ଗଠିତ ଏକ ପ୍ରତିଭା ଚିହ୍ନଟ ସମିତି ଜରିଆରେ ଏହି ୭୩୪ ଯୁବ ପ୍ରତିଭାଙ୍କ ଚୟନ କରାଯାଇଥିଲା।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
