କ୍ୱାଣ୍ଟନ୍: ଚଳିତ ଏସିଆନ୍ ଚାମ୍ପିଅନ୍ସ ଟ୍ରଫି ପୁରୁଷ ହକି ଟୁର୍ଣ୍ଣାମେଣ୍ଟରେ ଆଜି ଭାରତ ୩-୨ ଗୋଲରେ ପାକିସ୍ତାନକୁ ପରାସ୍ତ କରିଛି। ମ୍ୟାଚ୍ ଆରମ୍ଭର ୨୨ ମିନିଟ୍ରେ ଭାରତ ପକ୍ଷରୁ ପ୍ରଦୀପ ମୋର ପ୍ରଥମ ଗୋଲ ଦେଇଥିଲେ। ପରେ ରୁପିନ୍ଦର ସିଂହ ୪୩ ମିନିଟ୍ରେ ଦ୍ୱିତୀୟ ଓ ରମନଦୀପ୍ ସିଂହ ୪୪ ମିନିଟ୍ରେ ତୃତୀୟ ଗୋଲ ଦେଇ ଭାରତ ବିଜୟର ପ୍ରମୁଖ ଭୂମିକା ନେଇଥିଲେ।
ପାକିସ୍ତାନ ପକ୍ଷରୁ ମୋହମ୍ମଦ ରିଜ୍ୱାନ୍ ଓ ମହମ୍ମଦ ଇରଫାନ୍ ଜୁନିଅର ଗୋଟିଏ ଲେଖାଏଁ ଗୋଲ ଦେଇଥିଲେ।
ଗତକାଲି ଭାରତ ଓ ଦକ୍ଷିଣ କୋରିଆ ମଧ୍ୟରେ ହୋଇଥିବା ମ୍ୟାଚ୍ ୧-୧ ଗୋଲ୍ରେ ଡ୍ର ରହିଥିଲା।
ଶୁକ୍ରବାର ଭାରତ ତା’ର ପ୍ରଥମ ମ୍ୟାଚ୍ରେ ଜାପାନକୁ ୧୦-୨ରେ ହରାଇଥିଲା।
ଭାରତ ୨୫ ତାରିଖରେ ଚୀନ ଓ ୨୬ ତାରିଖରେ ମାଲେସିଆ ବିପକ୍ଷରେ ଖେଳିବ।
୨୦୧୧ରେ ଆରମ୍ଭ ହୋଇଥିବା ଏହି ଟୁର୍ଣ୍ଣାମେଣ୍ଟର ପ୍ରଥମ ଚାମ୍ପିଅନ୍ ହୋଇଥିଲା ଭାରତ। ୨୦୧୨ ଓ ୨୦୧୩ରେ ପାକିସ୍ତାନ ଚାମ୍ପିଅନ୍ ହୋଇଥିଲା। ତେବେ ୨୦୧୪ ଓ ୨୦୧୫ରେ ଟୁର୍ଣ୍ଣାମେଣ୍ଟ ହୋଇ ନ ଥିଲା।