ଆଜି ରାୟପୁରରେ ଚେନ୍ନାଇ ସୁପରକିଙ୍ଗ୍ ଙ୍କୁ ଭେଟିବ ଦିଲ୍ଲୀ ଡେୟାର ଡେଭିଲିସ୍ । ଏହି ମ୍ୟାଚ୍ ରାତି ୮ଟରେ ଖେଳାଯିବ। ୧୨ଟା ମ୍ୟାଚ୍ ଖେଳି ଚେନ୍ନାଇ ୮ଟା ମ୍ୟାଚ ଜିତିଥିବାବେଳେ ୪ଟି ମ୍ୟାଚ୍ ପରାଜିତ ହୋଇଛି । ଏଥିପାଇଁ ଦଳର ମନବଳ ଦୃଢ଼ ରହିଛି । ପଏଣ୍ଟ ଟେବୁଲରେ ଶୀର୍ଷରେ ରହିବାପାଇଁ ଚେନ୍ନାଇ ଦିଲ୍ଲୀକୁ ପରାଜିତ କରିବାକୁ ଲକ୍ଷ୍ୟ ରଖିଛି । ଅନ୍ୟପକ୍ଷରେ ଦିଲ୍ଲୀ ଆଖି ଦୃଶିଆ ସଫଳତା ପାଇପାରିନି । ଫ୍ଲପ୍ ହୋଇଛନ୍ତି ଦଳର ଅଭିଜ୍ଞ ବ୍ୟାଟ୍ସମ୍ୟାନ ଯୁବରାଜ ସିଂହ । ଏହା ସହ ଦଳର ଓପନିଙ୍ଗ୍ ମଧ୍ୟ ଫିଲ୍ଡରେ ଅଧିକ ସମୟ ଧରି ତିଷ୍ଠି ପାରୁନାହାନ୍ତି । ଏଥିପାଇଁ ଦଳର ବ୍ୟାଟିଙ୍ଗ୍ ଲାଇନ ଟାଗେଟ୍ ରନ୍ କୁ ହାସଲ କରିବାରେ ଅସଫଳ ହେଉଛି । ବ୍ୟାଟିଙ୍ଗ ବିଫଳ ଯୋଗୁ ଦଳର ଅଭିଜ୍ଞ ବ୍ୟାଟସ୍ ମ୍ୟାନ ମ୍ୟାକ୍ କୁଲମ୍ ଙ୍କ ନିର୍ଭର ହେବାକୁ ପଡୁଛି । ଅନ୍ୟପକ୍ଷରେ ବୋଲିଂ ଲାଇନ ଷ୍ଟଙ୍ଗ ନାହିଁ ।ନିର୍ଦ୍ଧାରିତ ସମୟ ମଧ୍ୟରେ ପ୍ରତିପକ୍ଷ ବ୍ୟାଟସ୍ ମ୍ୟାନଙ୍କୁ ଆଉଟ କରିବାରେ ଅକ୍ଷମତା ପ୍ରକାଶ କରୁଛନ୍ତି। ଦିଲ୍ଲୀ ୧୨ଟି ମ୍ୟାଚରୁ ୪ ଟି ମ୍ୟାଚ ଜିତିଥିବାବେଳେ ୮ଟି ମ୍ୟାଚରେ ପରାଜିତ ହୋଇ ପୟଣ୍ଟ ଟେବୁଲର ସପ୍ତମ ସ୍ଥାନରେ ରହିଛି । ଦଳକୁ ଏହି ମ୍ୟାଚକୁ ଜିତିବାକୁ ସବୁବର୍ଗର ଉନ୍ନତି ଆଣିବାକୁ ହେବ । ଅନ୍ୟପକ୍ଷରେ ଗତକାଲି କୋଲକାତାରେ ଖେଳାଯାଇଥିବା ଏକ ମ୍ୟାଚରେ ୫ରନ୍ ରେ କୋଲକାତା ନାଇରାଇଡରସ୍ କୁ ହରାଇଛି ସନ୍ ରାଇଜର ହାଇଦ୍ରାବାଦ ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
