ନୂଆଦିଲ୍ଲୀ: ଦକ୍ଷିଣ କୋରିଆର ଚାଙ୍ଗଓନ୍ରେ ଚାଲିଥିବା ଆଇଏସ୍ଏସ୍ଏଫ୍ ୱାର୍ଲ୍ଡ ଚାମ୍ପିଅନ୍ସିପ୍ରେ ସୌରଭ ଚୌଧରୀ ଜୁନିଅର ୱାର୍ଲ୍ଡ ଚାମ୍ପିଅନ୍ ହେବାର ଗୌରବ ଅର୍ଜନ କରିଛନ୍ତି।
୧୫ ବର୍ଷୀୟ ସୌରଭ ଆଜି ୧୦ ମିଟର ଏୟାର୍ ପିସ୍ତଲର ଜୁନିଅର ପୁରୁଷ ବିଭାଗରେ ସ୍ୱର୍ଣ୍ଣ ପଦକ ହାସଲ କରିଛନ୍ତି। ୨୪୫.୫ ସ୍କୋର କରି ଚାମ୍ପିଅନ୍ ହେବା ସହ ସେ ତାଙ୍କ ନାଁରେ ଥିବା ଜୁନିଅର ୱାର୍ଲ୍ଡ ରେକର୍ଡ ବି ଭାଙ୍ଗିଛନ୍ତି। ତାଙ୍କର ପୂର୍ବ ରେକର୍ଡ ଥିଲା ୨୪୩.୭।
ପୂର୍ବରୁ ତାଙ୍କର ଏହି ସ୍କୋର୍ ସିନିଅର ରେକର୍ଡ ଠାରୁ ୦.୧ ଅଧିକ ଥିଲା। ତେବେ ଏବେ ତାଙ୍କର ଏହି ସ୍କୋର୍ ସିନିଅର ବର୍ଗର ରେକର୍ଡଠାରୁ ୨.୪ ଅଧିକ ରହିଛି।
ସୂଚନାଯୋଗ୍ୟ, ନିକଟରେ ଶେଷ ହୋଇଥିବା ଏସିଆନ୍ ଗେମ୍ସରେ ମଧ୍ୟ ୧୦ ମିଟର ଏୟାର୍ ପିସ୍ତଲ ବର୍ଗରେ ସେ ସ୍ୱର୍ଣ୍ଣ ପଦକ ଜିତିଥିଲେ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
