ନୂଆଦିଲ୍ଲୀ:ଜୁଲାଇ ୨୩ରୁ ଦୀର୍ଘ ଦୁଇମାସ ଧରି ଶ୍ରୀଲଙ୍କାରେ ଲମ୍ବା ସିରିଜ୍ ଖେଳିବ ଅଷ୍ଟ୍ରେଲିଆ। ବୁଧବାର କ୍ରିକେଟ ଅଷ୍ଟ୍ରେଲିଆ ଏହି ଗସ୍ତ ପାଇଁ କାର୍ଯ୍ୟକ୍ରମ ଘୋଷଣା କରିଛି।
ଷ୍ଟିଭ୍ ସ୍ମିଥଙ୍କ ନେତୃତ୍ୱରେ ଦଳ କାଣ୍ଡି, ଗଲ୍ ଓ କଲମ୍ବୋରେ ୩ଟି ଟେଷ୍ଟ, ୫ଟି ଦିନିକିଆ ଓ ୨ଟି ଟି-ଟ୍ୱେଣ୍ଟି ଖେଳିବ। ଦଳ ଜୁଲାଇ ୧୧ରୁ ଅଷ୍ଟ୍ରେଲିଆରୁ ଶ୍ରୀଲଙ୍କା ଅଭିମୁଖେ ବାହାରିବ।
ଅଷ୍ଟ୍ରେଲିଆ ୨୦୧୧ରେ ଶ୍ରୀଲଙ୍କାରେ ଶେଷ ସିରିଜ୍ ଖେଳିଥିଲା।
ଜୁଲାଇ ୨୬-୩୦ ଯାଏଁ କାଣ୍ଡିରେ ପ୍ରଥମ ଟେଷ୍ଟ, ଅଗଷ୍ଟ ୪-୮ ଗଲ୍ରେ ଦ୍ୱିତୀୟ ଟେଷ୍ଟ, ୧୩-୧୭ ଯାଏଁ କଲମ୍ବୋରେ ତୃତୀୟ ଟେଷ୍ଟ ଖେଳିବ। ଏହାପରେ ଅଗଷ୍ଟ ୨୧ ଓ ୨୪ରେ କଲମ୍ବୋରେ ପ୍ରଥମ ଦୁଇଟି ଦିନିକିଆ, ଅଗଷ୍ଟ ୨୮ ରେ ଡାମ୍ବୁଲାରେ ତୃତୀୟ, ୩୧ରେ ଚତୁର୍ଥ ଦିନିକିଆ ଏବଂ ୪ ସେପ୍ଟେମ୍ବର କାଣ୍ଡିରେ ଶେଷ ଦିନିକିଆ ଖେଳାଯିବ।
ଏହ ସହ ସେପ୍ଟେମ୍ବର ୬ ଓ ୯ରେ କ୍ୟାଣ୍ଡି ଓ କଲମ୍ବୋରେ୨ଟି ଟି-ଟ୍ୱେଣ୍ଟି ଖେଳିବେ ଉଭୟ ଦଳ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।