ବାରବାଟୀ ବିଶୃଙ୍ଖଳା ପାଇଁ ଦାୟୀ କିଏ?

<p>କଟକ(ଓଡ଼ିଶା ରିପୋର୍ଟର): ଦୀର୍ଘ ଦୁଇ ବର୍ଷ ପରେ ବାରବାଟୀକୁ ଫେରିଥିଲା ଅନ୍ତର୍ଜାତୀୟ ଟି-୨୦ ମ୍ୟାଚ୍। ଷ୍ଟାଡିୟମରେ ସ୍ମରଣୀୟ ମ୍ୟାଚ୍ ଦେଖିବାକୁ ପାଇଲେ ଦର୍ଶକ। ହେଲେ ଟିକେଟ ବିକ୍ରିକୁ ନେଇ ବିଭ୍ରାଟ ଓ ଅଧାରାସ୍ତାରେ ଟିମ୍ ଇଣ୍ଡିଆ ବସ୍ ଅଟକିବା ଭଳି ଆୟୋଜନରେ ଏକାଧିକ ବିଶୃଙ୍ଖଳା ପାଇଁ ବଦ୍&zwnj;ନାମ ହୋଇଛି ବାରବାଟୀ।</p><p>ଗତ ୧୭ ତାରିଖରେ କାଉଣ୍ଟରରେ ଟିକେଟ୍&zwnj; ମିଳିଲା ନାହିଁ। ଏଥିରେ ଉତ୍&zwnj;କ୍ଷିପ୍ତ ହୋଇ କ୍ରିକେଟ୍&zwnj; ପ୍ରେମୀ ଟିକେଟ୍ କାଉଣ୍ଟରରେ ଟେକାପଥର ମାଡ଼ ମାରିଥିଲେ। ଏପରିକି ବ୍ୟାରିକେଡ୍&zwnj; ମଧ୍ୟ ଭଙ୍ଗାରୁଜା ହୋଇଥିଲା।</p><p>୧୮ ତାରିଖରେ ୯୦୦୦ ଅନ୍&zwnj;ଲାଇନ୍&zwnj; ଟିକେଟ୍&zwnj;ଧାରୀଙ୍କୁ ଟିକେଟ୍&zwnj; ଦେବା ଲାଗି ଗୋଟିଏ କାଉଣ୍ଟର ଖୋଲା ଯାଇଥିଲା। ଯାହାକୁ ନେଇ ଉତ୍ତେଜନା ପ୍ରକାଶ ପାଇଥିଲା।</p><p>ଅନ୍&zwnj;ଲାଇଟ୍&zwnj; ଟିକେଟ୍&zwnj;ରେ ସିଟ୍&zwnj; ନମ୍ୱର ଓ ଡିସିପିଙ୍କ ସ୍ୱାକ୍ଷର ନଥିଲା। ଫଳରେ ଖେଳ ପ୍ରେମୀଙ୍କୁ ସୁରକ୍ଷାକର୍ମୀ ଷ୍ଟାଡିୟମ ଭିତରେ ପ୍ରବେଶ କରିବାକୁ ଦେଇନଥିଲା। ଏହାକୁ ନେଇ ଉତ୍ତେଜନା ପ୍ରକାଶ ପାଇଥିଲା। ଖେଳ ପ୍ରେମୀ ଓ ପୋଲିସ୍&zwnj; ଧସ୍ତାଧସ୍ତି ହୋଇଥିଲେ। ଏପରିକି କିଛି ଖେଳପ୍ରେମୀ ଧାରଣା ଦେଇଥିଲେ।</p><p>ଟ୍ରାଫିକ ସମସ୍ୟା ପାଇଁ ରାସ୍ତାରେ ଦୀର୍ଘ ସମୟ ଅଟକିଲା ଟିମ୍ ଇଣ୍ଡିଆ ବସ୍। ପ୍ରାୟ ଅଧଘଣ୍ଟା ବିଳମ୍ବରେ ଷ୍ଟାଡିୟମ୍&zwnj;ରେ ପହଞ୍ଚିଲେ ଖେଳାଳି। ହେଲେ ଏହି ବିଭ୍ରାଟ ପାଇଁ ଦାୟୀ କିଏ? ଦୀର୍ଘ ୨ ବର୍ଷ ପରେ ବାରବାଟୀକୁ ମ୍ୟାଚ୍ ଫେରିଥିବାରୁ ଶୃଙ୍ଖଳିତ ଆୟୋଜନ ନେଇ ଓସିଏଠୁ ନେଇ ଜିଲ୍ଲା ପ୍ରଶାସନ, ରାଜ୍ୟ ସରକାର ମାସକ ଆଗରୁ ପ୍ରସ୍ତୁତି କରିଥିଲେ ମଧ୍ୟ ବିଶୃଙ୍ଖଳା କାହିଁକି?</p><p>ମ୍ୟାଚ୍ ଅର୍ଗାନାଇଜିଂ କମିଟି ସଦସ୍ୟ ନବରଞ୍ଜନ ପଟ୍ଟନାୟକ କହିଛନ୍ତି-&ldquo;ଟିମ୍&zwnj; ଇଣ୍ଡିଆ ଖେଳାଳି ଆସୁଥିବା ଗାଡ଼ିର କୌଣସି ଅସୁବିଧା ନଥିଲା। ଆଗରେ ରାସ୍ତା ଭିଡ଼ ଥିବାରୁ ସୁରକ୍ଷା ଦୃଷ୍ଟିରୁ ତେଲେଙ୍ଗାପେଣ୍ଠରେ ଗାଡ଼ି ୧୦ ମିନିଟ୍&zwnj; ଅଟକିଥିଲା।&rdquo;</p><p>ବାରବାଟୀରେ ବିଶୃଙ୍ଖଳାକୁ ନେଇ ପୂର୍ବ ରେକର୍ଡ ବି ଭଲ ନାହିଁ। ୨୦୧୫ ଅକ୍ଟୋବର ୫ ତାରିଖରେ ଭାରତ-ଦକ୍ଷିଣ ଆଫ୍ରିକା ଟି-୨୦ ମ୍ୟାଚ୍ ସମୟରେ ଗ୍ୟାଲେରିରେ ଦର୍ଶକଙ୍କ ବିଶୃଙ୍ଖଳିତ ଆଚରଣ କରି ପାଣି ବୋତଲ ଫିଙ୍ଗିବା ଯୋଗୁଁ ସଂପୂର୍ଣ୍ଣ ହୋଇ ପାରି ନଥିଲା ମ୍ୟାଚ୍। ଆଉ ଏଥିପାଇଁ ବଦନାମ ହୋଇଥିଲା ବାରବାଟୀ।</p><p>କ୍ରିକେଟ୍ କୋଚ୍ କିଶୋର ମାଣିଆ କହିଛନ୍ତି-&ldquo;ଏପରି ବିଭ୍ରାଟ ପାଇଁ କାହାକୁ ଦାୟୀ କରାଯିବ? ଆପଣ ଯାହାକୁ ପଚାରିବେ, ସିଏ ନିଜ ମୁଣ୍ଡରୁ ଦୋଷ ଖସାଇବେ।&rdquo;</p>

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।