ବାର୍ସିଲୋନା ସ୍ପେନ୍ ମାଷ୍ଟର୍ସ: ସାଇନାଙ୍କ ଅଭିଯାନ ଆରମ୍ଭ

ବାର୍ସିଲୋନା: ଭାରତର ଅଲିମ୍ପିକ୍ ବ୍ରୋଞ୍ଜ ପଦକ ବିଜେତା ସାଇନା ନେହ୍ୱାଲ ଚଳିତ ବାର୍ସିଲୋନା ସ୍ପେନ୍ ମାଷ୍ଟର୍ସ ବ୍ୟାଡମିଣ୍ଟନ୍ ଚାମ୍ପିୟନଶିପରେ ବିଜୟ ସହ ଅଭିଯାନ ଆରମ୍ଭ କରିଛନ୍ତି। ତେବେ ଭାରତର ଅନ୍ୟତମ ତାରକା ଏଚଏସ୍ ପ୍ରଣୟ ପ୍ରଥମ ରାଉଣ୍ଡରେ ହାରି ବିଦାୟ ନେଇଛନ୍ତି।

ସାଇନା ମହିଳା ସିଙ୍ଗଲ୍ସର ପ୍ରଥମ ରାଉଣ୍ଡରେ ଜର୍ମାନୀର ୟୋଗନୀ ଲି’ଙ୍କୁ ସିଧାସଳଖ ୨୧-୧୬, ୨୧-୧୪ ଗେମରେ ପରାସ୍ତ କରିଛନ୍ତି। ଏହି ମୁକାବିଲାକୁ ଜିତିବା ପାଇଁ ସାଇନା ମାତ୍ର ୩୫ ମିନିଟ୍ ସମୟ ନେଇଥିଲେ। ସେହିପରି ପ୍ରଣୟ ପୁରୁଷ ସିଙ୍ଗଲ୍ସର ପ୍ରଥମ ରାଉଣ୍ଡରେ ମ୍ୟାଲେସିୟାର ଡାରେନ୍ ଲିଉଙ୍କ ନିକଟରୁ ୧୮-୨୧, ୧୫-୨୧ ଗେମରେ ହାରିଯାଇଛନ୍ତି।

ଭାରତର ମିକ୍ସଡ୍ ଡବଲ୍ସ ଯୋଡ଼ି ପ୍ରଣବ ଜେରି ଚୋପ୍ରା ଓ ଏନ୍ ସିକ୍କି ରେଡ୍ଡି ପ୍ରଥମ ରାଉଣ୍ଡରେ ଡେନମାର୍କର ମାଥିଆସ୍ ଖ୍ରୀଷ୍ଟିଆନସେନ୍ ଓ ଆଲେକଜାଣ୍ଡ୍ରା ବୋଜେଙ୍କୁ ୧୦-୨୧, ୨୧-୧୬, ୨୧-୧୭ ଗେମରେ ହରାଇଛନ୍ତି।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।