ନୂଆଦିଲ୍ଲୀ: ଏସିଆ କପ୍ ଟି-ଟ୍ୱେଣ୍ଟି ଓ ଆଇସିସି ଟି-ଟ୍ୱେଣ୍ଟି ବିଶ୍ୱକପ୍ରେ ପାକିସ୍ତାନର ଦୟନୀୟ ପ୍ରଦର୍ଶନ ପରେ ଅଧିନାୟକ ପଦରୁ ଶାହିଦ ଆଫ୍ରିଦି ଓ କୋଚ୍ ପଦରୁ ୱକାର ୟୁନିସ୍ ଇସ୍ଥଫା ଦେଇସାରିଛନ୍ତି। ସରଫରାଜ ଅହମ୍ମଦଙ୍କୁ ବୋର୍ଡ ଅଧିନାୟକ ଭାବେ ନିଯୁକ୍ତି ଦେଇଛି। ହେଲେ ଏବେ ବି କୋଚ୍ ପଦ ଖାଲି ପଡିଛି। ଏହି ପଦବୀ ପାଇଁ ଟ୍ୱିଟ୍ଟରରେ ପାକିସ୍ତାନ କ୍ରିକେଟ ବୋର୍ଡ ବିଜ୍ଞାପନ ଦେବା ପରେ ଭାରତର ପୂର୍ବତନ କ୍ରିକେଟର ବିନୋଦ କାମ୍ବଲି ଏଥିପାଇଁ ଆଗ୍ରହ ପ୍ରକାଶ କରିଛନ୍ତି।
ବିନୋଦ କାମ୍ବଲି ପାକିସ୍ତାନୀ ସାମ୍ବାଦିକା ଆସମା ଶିରାଜିଙ୍କୁ ଟ୍ୱିଟ୍ଟରରେ କହିଛନ୍ତି, “ୱାକାର ୟୁନିସ୍ ମୁଖ୍ୟ କୋଚ୍ ପଦରୁ ଇସ୍ତଫା ଦେବା ଦୁଃଖର ବିଷୟ। ମୁଁ ଜାଣିଛି, ୱକାର ଜଣେ ଭଲ ଖେଳାଳି ଓ ଭଲ ପ୍ରଶିକ୍ଷକ ମଧ୍ୟ।”ସେ ଆସମାଙ୍କ ସହ ଟ୍ୱିଟ୍ଟରରେ କଥୋପକଥନ କରିବା ସହ ପାକିସ୍ତାନର କୋଚ୍ ହେବା ପାଇଁ ଆଗ୍ରହୀ ବୋଲି କହିଛନ୍ତି।
ସୂଚନାଯୋଗ୍ୟ,ଆସନ୍ତା ଜୁଲାଇରୁ ପାକିସ୍ତାନ ଇଂଲଣ୍ଡ ବିପକ୍ଷରେ ୪ଟି ଟେଷ୍ଟ, ୫ଟି ଦିନିକିଆ ଓ ଗୋଟିଏ ଟି-୨୦ ଖେଳିବ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
