ନୂଆଦିଲ୍ଲୀ: ୨୦୧୯ ଆଇପିଏଲ୍ ପାଇଁ ଆସନ୍ତା ମାସରେ ଖେଳାଳି ନିଲାମ ହେବାକୁ ଥିବା ବେଳେ ଗୁରୁବାର ବିଭିନ୍ନ ଟିମ୍ କେଉଁ ଖେଳାଳିଙ୍କୁ ରଖିଲେ ଓ କେଉଁ ଖେଳାଳିଙ୍କୁ ଛାଡ଼ିଲେ, ତା’ର ତାଲିକା ପ୍ରକାଶ କରିଛନ୍ତି।
ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର (ଆର୍ସିବି) ୧୪ ଜଣ ଖେଳାଳିଙ୍କୁ ରଖିଥିବା ବେଳେ ୧୦ ଜଣଙ୍କୁ ଛାଡ଼ି ଦେଇଛି। ଦଳ ଛାଡ଼ି ଦେଇଥିବା ଖେଳାଳିଙ୍କ ମଧ୍ୟରେ ଅଛନ୍ତି ନ୍ୟୁଜିଲ୍ୟାଣ୍ଡର ବ୍ରେଣ୍ଡନ୍ ମ୍ୟାକ୍କୁଲମ୍।
ଆର୍ସିବି ମ୍ୟାକ୍କୁଲମ୍ଙ୍କୁ ଛାଡ଼ି ଦେବା ପରେ ସେ ଟ୍ୱିଟ୍ କରି ଅଧିନାୟକ ବିରାଟ କୋହଲି ଓ ପୂରା ଟିମ୍କୁ ଧନ୍ୟବାଦ ଜଣାଇଥିଲେ। ତା’ସହିତ ଆଗାମୀ ସିଜିନ୍ ପାଇଁ ଶୁଭେଚ୍ଛା ଜଣାଇଥିଲେ।
Thanks to the skipper @imVkohli and all the team @RCBTweets for an enjoyable time in last seasons @IPL. All the best for the season ahead fellas.
— Brendon McCullum (@Bazmccullum) November 15, 2018
ଗତ ସିଜିନ୍ରେ ମ୍ୟାକ୍କୁଲାମ୍ ଆର୍ସିବି ପାଇଁ ୬ଟି ମ୍ୟାଚ୍ ଖେଳି ମାତ୍ର ୧୨୭ ରନ୍ କରିଥିଲେ। ସେ ୨୦୦୮ରୁ ଆଇପିଏଲ୍ ଖେଳୁଛନ୍ତି। ସେ କୋଲକାତା ନାଇଟ୍ ରାଇଡର୍ସ, କୋଚି ଟସ୍କରର୍ସ, ଚେନ୍ନାଇ ସୁପର କିଙ୍ଗ୍ସ ଓ ଗୁଜରାଟ ଲାଇଅନ୍ସ ପାଇଁ ଖେଳିଛନ୍ତି।
ମ୍ୟାକ୍କୁଲାମ୍ ମୋଟ୍ ୩୫୬ଟି ଟ୍ୱେଣ୍ଟି ଟ୍ୱେଣ୍ଟି ମ୍ୟାଚ୍ ଖେଳିଥିବା ବେଳେ ଏଥିରୁ ୯୬୨୦ ରନ୍ ସଂଗ୍ରହ କରିଛନ୍ତି। ଏହି ଫର୍ମାଟ୍ରେ ତାଙ୍କର ବ୍ୟକ୍ତିଗତ ସର୍ବାଧିକ ସ୍କୋର ହେଉଛି ୧୫୮। ଅପରାଜିତ ରହି ସେ ଏହି ରନ୍ ସଂଗ୍ରହ କରିଥିଲେ। ଟ୍ୱେଣ୍ଟି ଟ୍ୱେଣ୍ଟିରେ ସେ ୭ଟି ଶତକ ମାରିଥିବା ବେଳେ ୫୧ଟି ଅର୍ଦ୍ଧଶତକ ମାରିଛନ୍ତି।
ଆର୍ସିବି ଯେଉଁ ଖେଳାଳିମାନଙ୍କୁ ରଖିଛି, ସେମାନେ ହେଲେ- ବିରାଟ କୋହଲି, ମହମ୍ମଦ ସିରାଜ, ନଭଦୀପ ସାଇନି, କୁଲୱନ୍ତ ଖେଜରୋଲିୟା, ପାର୍ଥିବ ପଟେଲ, ପୱନ ନେଗି, ଉମେଶ ଯାଦବ, ୱାଶିଂଟନ୍ ସୁନ୍ଦର, ୟୁଜଭେନ୍ଦ୍ର ଚହଲ, ଏବି ଡି ଭିଲିୟର୍ସ, କୋଲେନ ଡି ଗ୍ରାଣ୍ଡହୋମ, ମୋଇନ ଅଲି, ନାଥନ କୁଲଟର ନାଇଲ୍ ଓ ଟିମ୍ ସାଉଦି।
ଆର୍ସିବି ଯେଉଁ ଖେଳାଳିମାନଙ୍କୁ ଛାଡ଼ି ଦେଲା, ସେମାନେ ହେଲେ- ମନଦୀପ ସିଂହ, ବ୍ରେଣ୍ଡନ୍ ମ୍ୟାକ୍କୁଲମ୍, କ୍ରିସ୍ ୱକ୍ସ, ସରଫରାଜ ଖାନ୍, କୋରି ଆଣ୍ଡରସନ୍, ଅଙ୍କିତ୍ ଚୌଧରୀ, ଅନିରୁଦ୍ଧ ଜୋଶୀ, ମୁରୁଗାନ୍ ଅଶ୍ୱିନ୍, ମନନ ଭୋରା ଓ ପବନ ଦେଶପାଣ୍ଡେ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
