ନୂଆଦିଲ୍ଲୀ: ଶ୍ରୀଲଙ୍କା ବିପକ୍ଷ ସୀମିତ ଓଭର ସିରିଜ ଖେଳିବାକୁ ଶିଖର ଧୱନଙ୍କ ନେତୃତ୍ୱାଧୀନ ଟିମ୍ ଇଣ୍ଡିଆର ଗସ୍ତ ଆରମ୍ଭ ହୋଇଛି। ଟିମ୍ ଇଣ୍ଡିଆର ଏହି ଗସ୍ତ ବେଳେ ଦଳର କୋଚିଂ ଦାୟିତ୍ୱ ଭେଟରାନ ରାହୁଲ ଡ୍ରାଭିଡ ସମ୍ଭାଳିବେ। ସେହିପରି ବିରାଟ କୋହଲିଙ୍କ ନେତୃତ୍ୱାଧୀନ ଟିମ୍ ଇଣ୍ଡିଆ ଇଂଲଣ୍ଡ ଯାଇଥିବାରୁ ଶିଖର ଧୱନ ଶ୍ରୀଲଙ୍କାରେ ଭାରତର କମାଣ ଧରିବେ।
ଆଜି ବିସିସିଆଇ ପକ୍ଷରୁ ଟିମ ଇଣ୍ଡିଆର ସମସ୍ତ ସଦସ୍ୟଙ୍କ ଫଟୋ ଟ୍ୱିଟ କରାଯିବ ସହ ଅଲ ସେଟ୍ ଶ୍ରୀଲଙ୍କା ବାଉଣ୍ଡ ବୋଲି ଲେଖାଯାଇଛି। ଭାରତ ଏହି ଗସ୍ତରେ ଶ୍ରୀଲଙ୍କା ସହ ୩ଟି ଦିନିକିଆ ଓ ସାମାନ ସଂଖ୍ୟକ ଟି-୨୦ ମ୍ୟାଚ୍ ଖେଳିବ। ଜୁଲାଇ ୧୩ରୁ ଏହି ସିରିଜ ଆରମ୍ଭ ହେବ। ଦଳରେ ୩ ଯୁବକ ଖେଳାଳି ସଞ୍ଜୁ ସାମସନ, ଈଶାନ କିଶନ ଓ ସୂର୍ଯ୍ୟ କୁମାର ଯାଦବ ରହିଛନ୍ତି। ଟି-୨୦ ବିଶ୍ୱକପକୁ ଦୃଷ୍ଟିରୁ ଏହି ଗସ୍ତ ବେଶ ଗୁରୁତ୍ୱପୂର୍ଣ୍ଣ।
All SET! 💙
Sri Lanka bound 🇱🇰✈️#TeamIndia 🇮🇳 #SLvIND pic.twitter.com/eOMmiuxi28
— BCCI (@BCCI) June 28, 2021
ଶ୍ରୀଲଙ୍କା ଗସ୍ତ ପୂର୍ବରୁ ଭାରତର କୋଚ୍ ରାହୁଲ୍ ଡ୍ରାଭିଡ୍ ଯୁବ ଖେଳାଳିଙ୍କୁ ନେଇ ବଡ଼ କଥା କହିଥିଲେ। ସେ କହିଥିଲେ ଯେ ଟି-୨୦ ବିଶ୍ୱକପକୁ ଦୃଷ୍ଟିରେ ରଖି ସମସ୍ତେ ଭଲ ପ୍ରଦର୍ଶନ କରିବା ପାଇଁ ଉତ୍ସାହିତ। ଟିମର ସିନିୟର ଖେଳାଳି ଏବେ ଇଂଲଣ୍ଡରେ ଅଛନ୍ତି। ଏଭଳି ସ୍ଥିତିରେ ଜୁନିୟର ବା ଯୁବ ଖେଳାଳିଙ୍କୁ ଶ୍ରୀଲଙ୍କା ଗସ୍ତ ପାଇଁ ଟିମରେ ସାମିଲ୍ କରାଯାଇଛି। ଚଳିତ ବର୍ଷ ଟି-୨୦ ବିଶ୍ୱକପ୍ ମଧ୍ୟ ଖେଳାଯିବ। ଏଭଳି ସ୍ଥିତିରେ ଶ୍ରୀଲଙ୍କା ଗସ୍ତ ଖେଳାଳିଙ୍କ ପାଇଁ ବେଶ୍ ଗୁରୁତ୍ୱପୂର୍ଣ୍ଣ ବୋଲି ସେ କହିଥିଲେ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
