ନୂଆଦିଲ୍ଲୀ: କିଙ୍ଗସ ଇଲେଭେନ ପଞ୍ଜାବର ବିସ୍ପୋରକ ବ୍ୟାଟ୍ସମ୍ୟାନ କ୍ରିସ ଗେଲ ଚଳିତ ଆଇପିଏଲରେ ନୂଆ କୀର୍ତ୍ତିମାନ ସ୍ଥାପନ କରିଛନ୍ତି। ସେ ଆଇପିଏଲରେ ୪ହଜାର ରନ ପୂରଣ କରି ମହେନ୍ଦ୍ର ସିଂହ ଧୋନି ଓ ବିରାଟ କୋହଲିଙ୍କ କ୍ଲବରେ ସାମିଲ ହୋଇଛନ୍ତି। ଗେଲ ଦ୍ୱିତୀୟ ବିଦେଶୀ ଖେଳାଳି ଭାବେ ଆଇପିଏଲରେ ୪ହଜାର ରନ କରିଛନ୍ତି।
ତାଙ୍କ ପୂର୍ବରୁ ଡେଭିଡ ୱାର୍ଣ୍ଣର ଏହି କାରନାମା କରିସାରିଛନ୍ତି। ଗେଲଙ୍କୁ ଏହି ମାଇଲଖୁଣ୍ଟ ହାସଲ କରିବା ପାଇଁ ମାତ୍ର ୬ ରନ ଆବଶ୍ୟକ ହେଉଥିଲା ଏବଂ ସେ ସିଙ୍କଲ ନେଇ ଏହାକୁ ପୂରଣ କରିଥିଲେ। ଆଇପିଏଲରେ ଦ୍ରୁତ ୪ହଜାର ରନ କରିବାରେ ଗେଲ ପ୍ରଥମ ବ୍ୟାଟ୍ସମ୍ୟାନ ହୋଇଛନ୍ତି। ଏଥିପାଇଁ ସେ ମାତ୍ର ୧୧୨ ଇନିଂସର ସହାୟତା ନେଇଛନ୍ତି।
ଆଇପିଏଲରେ ସର୍ବାଧିକ ରନର ରେକର୍ଡ ସୁରେଶ ରାଇନାଙ୍କ ନାମରେ ରହିଛି। ରାଇନା ୩୪.୨୭ ହାରରେ ୫୦୦୪ ରନ୍ କରିଛନ୍ତି। ତାଙ୍କ ପଛକୁ ବିରାଟ କୋହଲି ୩୮.୧୦ ହାରରେ ୪୯୫୪ ରନ କରି ଦ୍ୱିତୀୟରେ ଅଛନ୍ତି। ଗେଲଙ୍କ ବ୍ୟତୀତ ରୋହିତ ଶର୍ମା, ଗୌତମ ଗମ୍ଭୀର, ରବିନ ଉଥାପ୍ପା, ଶିଖର ଧୱନ ମଧ୍ୟ ଆଇପିଏଲରେ ୪ହଜାର ରନ କରିଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
