ନୂଆଦିଲ୍ଲୀ: ବୁଧବାର ଆଇପିଏଲର ଏକ ହାଇଭୋଲଟେଜ୍ ମୁକାବିଲାରେ ସାମ୍ନାସାମ୍ନି ହୋଇଥିଲେ ମୁମ୍ବାଇ ଇଣ୍ଡିଆନ୍ସ ଓ କିଙ୍ଗସ୍ ଇଲେଭେନ୍ ପଞ୍ଜାବ। ଏହି ମ୍ୟାଚରେ ମୁମ୍ବାଇ ଶେଷ ବଲରେ ରୋମାଞ୍ଚକର ବିଜୟ ହାସଲ କରିଥିଲା।
ତେବେ ଏହି ମ୍ୟାଚରେ ଏଭଳି ଏକ ରୋଚକ ଦୃଶ୍ୟ ଦେଖିବାକୁ ମିଳିଥିଲା, ଯେଉଁଥିରେ ମୁମ୍ବାଇର ଷ୍ଟାର୍ ଅଲରାଉଣ୍ଡର ହାର୍ଦ୍ଦିକ ପାଣ୍ଡ୍ୟା ଓ ପଞ୍ଜାବର ହାର୍ଡସ୍ ଭିଲଜନ୍ ମୁହାଁମୁହିଁ ହୋଇଛନ୍ତି। ଉଭୟଙ୍କ ମଧ୍ୟରେ ହୋଇଥିବା ଏହି ମୁହାଁମୁହିଁର ଦୃଶ୍ୟର ଭିଡିଓ ଏବେ ସୋଶାଲ ମିଡିଆରେ ବେଶ୍ ଭାଇରାଲ୍ ହେବାରେ ଲାଗିଛି।
ମୁମ୍ବାଇ ଇନିଂସର ଦ୍ୱାଦଶ ଓଭରର ଶେଷ ବଲରେ ଏହି ଘଟଣା ଘଟିଥିଲା। ମୁମ୍ବାଇ ଏହି ସମୟରେ ୪ ୱିକେଟ୍ ହରାଇ ୯୪ ରନ୍ କରିଥିଲା। ଓଭର ଶେଷ ହେବା ପରେ ଦକ୍ଷିଣ ଆଫ୍ରିକା ଖେଳାଳି ଭିଲଜନ୍ ହାର୍ଦ୍ଦିକଙ୍କ ନିକଟକୁ ଆସିଥିଲେ ଏବଂ ତାଙ୍କ ଆଡ଼ ଆଖିରେ ଚାହିଁକି ରହିଥିଲେ। ହାର୍ଦ୍ଦିକ ମଧ୍ୟ ଦୃଢ଼ତାର ସହ ତାଙ୍କୁ ଚାହିଁ ରହିଥିଲେ। ତେବେ କିଛି ସେକେଣ୍ଡ ପରେ ଭିଲଜନ୍ ମୁରୁକି ହସି ସେଠାରୁ ଚାଲିଯାଇଥିଲେ। ପାଣ୍ଡ୍ୟା ମଧ୍ୟ ବ୍ୟାଟିଂ କରିବାକୁ ଚାଲିଯାଇଥିଲେ।
ତେବେ ଏହି ମାମଲା ସେହିଠାରେ ହିଁ ଶେଷ ହୋଇଥିଲା। ପରବର୍ତ୍ତୀ ଓଭରରେ ଭିଲଜନ୍ ବୋଲିଂ କରି ୧୫ ରନ୍ ବ୍ୟୟ କରିଥିଲେ। ଏହି ମ୍ୟାଚରେ ହାର୍ଦ୍ଦିକ ୧୩ ବଲରେ ୧୯ ରନ୍ କରି ପ୍ୟାଭିଲିୟନ୍ ଫେରିଥିଲେ। ପାଣ୍ଡ୍ୟା ଓ ଭିଲଜନଙ୍କ ଏହି କିଛି ସେକେଣ୍ଡର ରୋଚକ ଦୃଶ୍ୟକୁ ଆଇପିଏଲ୍ ତା'ର ଅଫିସିଆଲ୍ ଟ୍ୱିଟର୍ ଆକାଉଣ୍ଟରେ ପୋଷ୍ଟ କରିଛି।
ଦେଖନ୍ତୁ ଭିଡିଓ
https://twitter.com/IPL/status/1116035574689714176
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
