ହଂକଂ: ଭାରତର ଷ୍ଟାର୍ ଶଟଲର୍ କିଦାମ୍ବୀ ଶ୍ରୀକାନ୍ତ ଚଳିତ ହଂକଂ ଓପନ୍ ବ୍ୟାଡମିଣ୍ଟନ୍ ଟୁର୍ଣ୍ଣାମେଣ୍ଟର ସେମିଫାଇନାଲରେ ହାରି ବିଦାୟ ନେଇଛନ୍ତି। ଶନିବାର ଖେଳାଯାଇଥିବା ଅନ୍ତିମ-୪ ମୁକାବିଲାରେ ଶ୍ରୀକାନ୍ତ ୯-୨୧, ୨୩-୨୫ ଗେମରେ ଘରୋଇ ତାରକା ଲି ଚିଉକ୍ ୟିଉଙ୍କ ନିକଟରୁ ପରାସ୍ତ ହୋଇଛନ୍ତି। ଏଥିସହ ଚଳିତ ଓପନରେ ଭାରତର ଅଭିଯାନ ଶେଷ ହୋଇଛି।
ପ୍ରଥମ ଗେମକୁ ସହଜରେ ଜିତିବା ପରେ ଦ୍ୱିତୀୟ ଗେମ୍ ସଂଘର୍ଷପୂର୍ଣ୍ଣ ହୋଇଥିଲା। ଦ୍ୱିତୀୟ ଗେମରେ ଶ୍ରୀକାନ୍ତ ୨୦-୧୫ରେ ଆଗୁଆ ଥିଲେ ଏବଂ ତାଙ୍କ ପାଖରେ ଜିତିବାର ଭଲ ସୁଯୋଗ ଥିଲା। କିନ୍ତୁ ଘରୋଇ ଦର୍ଶକଙ୍କଠାରୁ ସମର୍ଥନ ପାଇଁ ଲି' ଦମଦାର ପ୍ରତ୍ୟାବର୍ତ୍ତନ କରି ଲଗାତାର ୭ ପଏଣ୍ଟ ସଂଗ୍ରହ କରି ମୁକାବିଲାକୁ ଜିତି ନେଇଥିଲେ।
ଏହା ପୂର୍ବରୁ ଶ୍ରୀକାନ୍ତ କ୍ୱାର୍ଟରଫାଇନାଲରେ ଚାଇନାର ଚେନ୍ ଲଙ୍ଗଙ୍କୁ ହରାଇ ସେମିଫାଇନାଲରେ ପ୍ରବେଶ କରିଥିଲେ। ଏହି ମ୍ୟାଚର ପ୍ରଥମ ଗେମକୁ ୨୧-୧୩ରେ ଜିତି ଶ୍ରୀକାନ୍ତ ଆଗୁଆ ଥିଲା ବେଳେ ଚେନ୍ ଲଙ୍ଗ ଆହତ କାରଣରୁ ଅଧାରୁ ଓହରିଯାଇଥିଲେ, ଯାହା ଫଳରେ ଶ୍ରୀକାନ୍ତଙ୍କୁ ବିଜେତା ଘୋଷିତ କରାଯାଇଥିଲା।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
